《蘋果》求得上吉籤 香港行龍運
在下唔係道人迷信, 但簽文的確有其準確性。當中以「中港關係」為問而求得的第三簽真係準到無倫!!
在下不學無術都解得出
牛山之木皆常美 ─ 香港本來就係一處好地方
獨惜斧斤盡伐他 ─ 中共不斷的要淘盡著數
大器大材無足用 ─ 更可謂有些事做得過晒火位
規矩不準怎為槎 ─ 規矩、方法乜都唔跟, 即係《中英聯合聲明》都無好好遵守, 點可能會關係好
中港關係問題根源就係在於中共一直無落實執行聯合聲明予以香港人自治嘅部份, 乜都插隻手埋嚟, 涉及政制的事更直接出手干預。要解決中港關係根本簡單到不能再簡單, 就係《香港城邦論》一書作者陳雲提出的自治論。
啲五毛咪老屈陳老先生, 呢個主張絕對合情合理更加係合法 ── 《中英聯合聲明》就是寫好了國防同外交權屬中共所有, 其餘事就是香港自治的事。不過中共對香港的操控涉及太多利益了, 唔把香港絕對控制權把在手上又點榨取盡刮呢?!
若是中共繼續的貪婪, 中港決裂似乎會係在所難免。當然的, 中共該繼續採取黑社會的恐嚇手段來對付, 最簡單莫過於派出解放軍响香港進行2012版六四屠城, 先搞掂陳雲, 跟住黃世澤, 然後威脅林祖舜交晒高登會員資料出嚟........... 或是五毛們最興話嘅「斷水斷糧」 (停輸東江水, 停輸糧食)。
所謂「凡事去得盡」....... 還是適可而止吧
為孫明提的健康而求得的七十六簽, 很有「報應」的味道
回望返97後孫明揚所做過的好事, 無不對香港構成破壞 ── 孫九招使一般市民更難安居；教育改革更是增加教師工作壓力之餘, 卻無助改善教學質素。小班教學老西都唔推行.......
簡直馨竹難書
第三、四句的「不義而富且貴者 我心都作是浮雲」似乎都反映出這段歷史, 和他的心態就是「吹咩, 我係要咁做呀」。嚟緊嘅日子, 應該未咁快死得, 仲有排受下架啦
至於為林閹人的官運而求得的二十八簽, 在下就解唔到了。看回報導中解簽的居士解曰：「得意一時，卻十分短暫，最後慘淡收場」, 若配合佢一直以嚟「一朝得志, 語無倫次」嘅作風, 用上一句很市井嘅講法嚟形容「遲早俾人打鑊金」, 無好下場就應該的了。
講到「豬、狼之爭」, 為唐膠年求得的廿一簽, 真係無驚喜。除咗「黃袍加身」係預計之內, 誰是「牡丹抗旨」根本呼之欲出。看著梁振英一直的作風, 會搞出乜嘢大龍鳳出嚟真係唔能夠「大手入定花生」咁簡單, 始終郁親手都必定影響到香港社會整體。
撇開迷信與否的問題, 環顧香港、大陸同鄰近地區的經濟同局勢變化, 加上香港本身同大陸民間的關係持續緊張, 今年無可能唔出現大劑嘢, 甚至真係可能出現巨大的變化。奉勸想買樓結婚、甚至生兒育女的, 真係HOLD 住先好啲, 唔係有乜事起上嚟, 喊都無謂!
延伸閱讀
新、馬歷史似難避免重演在香港
哪怕當年的新加坡的歷史重演
應該正式宣佈《中英聯合聲明》失效
中、英雙方唔該找數
中共要同香港人晒冷啦
一國兩制根本從無落實過
黃世澤 - 你有心俾我地當家作主咪支持HKAM囉
返回主頁
from 巴士佬 - 揸巴士? http://robustorlo.blogspot.com/2012/01/blog-post_23.html
