《明報》2012-1-5 長洲南建島 6個長洲大 覓地建屋 25填海選址諮詢公眾
明報不單止有報導, 仲為呢件事歌功頌德
《明報》2012-1-5 填海計劃雄心萬丈 喜見久違了的夢想
但在下真係好想問曾蔭權爵士：
1. 香港真係唔夠土地用嗎?
2. 香港嘅人口如果真係1,000萬, 或者呢個計劃公報內容的850萬, 香港承受得來嗎?
3. 710萬增加至850萬, 係預咗俾乜嘢質素嘅人? 係新移民蝗蟲定秉承瑞銀王震宇話齋嘅高增值人士?
第2. 同第3. 就留返俾佢自己同特衰政府班膠官自己諗掂佢。但第1. 條在下已有答案：《經濟日報》2011-7-5 5大發展商土儲 超港府3倍
地產霸權何止透過經濟能力迫逼市民, 仲簡直富可敵府
更是從城市規劃角度, 市區還有不少可發展空間, 或者係對舊區重建採取更有效的處理方法, 包括保證原居居民原區安置和適度地提高樓面面積增加居住人口, 並且是以合理價錢出售或出租, 根本就可以解決問題。
但市區土地幾乎全落在地產霸權手中, 樓價和租金高得不合理之餘, 更是不斷的將市區予以市民大眾居住的地方拆走, 然後又製造人口颷升和土地短缺的假象, 說穿了不過是繼續為地產商撈盡著數作更好的準備。
再者, 為何要填海填到舞雷公咁遠? 真係會有人去呢啲地方住嗎? 就假設會有, 交通規劃同市民的成本開支又會係怎樣一回事? 睇怕一切都只係一場假大空。更重要嘅係填海要用沙泥的吧, 從哪裡來呢?
機場第三跑道計劃是從廣東南沙買沙來填, 而南沙呢處係邊個大商賈, 大家可以GOOGLE 一下。而今次發表的填海計劃, 又係咪打算同佢買沙, 在下真係買定花生, 睇下又會計到呢個香港嘅名門望族得到幾多收益。
大陸嘅貪污盛行已為人所知, 近年來慣用的技倆就是透過大型基建項目去斂財。鐵路部前部長劉志軍已是一個非常突出的例子, 若再搜尋下大陸的貪污新聞, 就知呢個講法絕對成立。
只是正本清源, 唔該特區政府搞返好啲城市規劃同認清住屋問題, 唔好再好學唔學, 學埋大陸啲衰嘢返嚟
延伸閱讀
成日話公屋資源珍貴.....
市民得唔到安居如何發展經濟
無錢嘅唔駛住呀
炒咗鄧國斌咪有地起公屋囉
九龍灣和啟德又嚟嘥錢
地產霸權之「開到聲趕你地走」
規管劏房, 不如搞好房屋政策先啦
恭喜鄧國斌立下大功
打倒地產霸權, 一定要直插審計署心臟
返回主頁
返回主頁
from 巴士佬 - 揸巴士? http://robustorlo.blogspot.com/2012/01/blog-post_06.html
