新加坡文獻館：新加坡1964年種族騷亂真相
這些事件亦解釋到新加坡立國後, 李光耀要採取強硬手段處理種族問題, 尤其是面對當時佔人口逾七成嘅華人指他也是華人就該好好照顧同胞的時候, 他鐵石心腸得非常之狠。
自從菲傭申請居港權案件落幕, 打從由去年聖誕節假期前後, 網上廣傳或是報章不斷報導大陸人在香港一些劣質行為, 例如在路邊大便、鐵路車廂進食, 政府告示用簡體字等等, 雙非孕婦床位更是焦點新聞, 卒之搞到不少大肚婆和產科醫護人員上週日(15JAN) 冒雨遊行。
睇返那些網上討論和報導, 事實上大陸人對香港嘅心態, 只要日常生活有機會接觸到大陸人就好清楚；大陸人响香港嘅惡行, 只要多出旺角、尖沙咀、紅磡、土瓜灣、灣仔金紫荊、海洋公園等等, 就會知道近這些惡行根本一直都有發生, 只係近期, 尤其是D&G事件之後, 報章先至增加了報導。為何以前唔點報, 近期就係咁報, 在下心中生疑, 就再回想那段新加坡歷史
有說馬華衝突背後係印尼蘇加諾為咗佔領JOHOR 而背後策動, 呢個講法黃世澤兄都指出可信性其實不大。若再睇返1963年新馬合併之後, 東姑拉曼同李光耀之間嘅拗撬同聯邦中央政府對新加坡洲嘅政策取態, 似是巫統背後煽動的可信性其實仲高。當然的, 事實如何史冊還未有記載和評論。若將這段歷史套入當前中港關係和局勢, 有太多類似的情況：
1. 巫統一直想操控新加坡洲, 並覬覦新加坡洲作為一個重要的港口洲份而有的經濟基礎, 要設法榨取好處。要求新加坡洲上繳中央的稅款率比其他洲份要高, 已經就是跡象。
北京就透過CEPA, QDII, 甚至透過縱容地產霸權, 操控單程證審批等手段, 榨取香港的資產和社會資源, 從一般市民生活質素沒怎改善已經就是跡象
2. 新馬合併之後, 李光耀強調全馬來西亞要種族平等同融和去建設「馬來西亞人的馬來西亞」, 但巫統卻不斷製造馬來人有優先權的政策。新加坡洲就响李光耀嘅主張之下繼續發展, 馬來半島內非馬來人族群就是意識到自己生活於不平等之下
大陸人恃財傲物, 來港搶奶粉尿片, 雙非孕婦搶產子床位, 甚至响社會上發生的其他劣質行為, 不單使香港人對大陸人心生厭惡, 更是D&G 事件引發「香港本土意識」逐步抬頭
3. 再續新馬合併, 巫統逐步知道新加坡洲並唔响佢哋嘅能力控制範圍, 更隨時榨取唔到著數。回顧歷史, 佢哋在想與其係咁不如整死佢好過。响1965年8月9日通過議案驅逐新加坡洲之前, 一定要做一些準備功夫的吧。既然巫統認為要馬來人優先, 存在要製造馬、華衝突的想法是不能否定的。
中共嘅官員成日話香港市民人心未回歸, 近年不少社會議題形成不少民間同政府的衝突, 更有些事件茅頭直指北京, 例如669億高鐵, 人口政策等。當前香港同北京關係的情況可謂同當年馬來西亞聯邦中央同新加坡洲相當類似
4. 普遍香港傳媒都被中共收編, 呢個明眼人一睇就知嘅所謂秘密。就是從3. 引伸出嚟, 加上中共一直慣於採取高壓管治的思維同手法, 北京就是透過挑起中港人民衝突, 迫使香港社會就範或是進行焦土政策「整死香港」, 這個說法就是成立了。而傳媒的角色就是為北京撥火, 將氣氛升溫。這便解釋得到, 為何大陸人的劣行以往唔點報, 近期係咁報的說法了。
事到如今, 好多事情的確無得阻止, 論「勢力」, 香港人不單唔係中共嗰皮, 更是懼懾於這種尤如黑社會的勢力。傳媒老闆們也礙於這股勢力而迫於被收編, 佢哋要為緊張氣氛添加燃料也是沒辦法。只是呢筆爛數, 將來係要同呢班老闆計數埋單。
但作為一個香港人, 更是應該冷靜去處理, 和對可能出現的大亂局作出準備；另一方面, 在下响網上見到一連串「本土論述」 VS 「所謂左翼思想」的鍵盤大戰。如果大家係依據道理來討論, 其實係健康的, 但事實係「所謂左翼思想」高舉「公義」「公平」之下認為不應排外、歧視大陸人, 可是對香港本身的問題卻無實際解決辦法, 在下想問佢哋「想點呢」?
盲目的、缺乏理據的、回帶式去胡亂批評, 實在對香港社會整體構成相當之危險。傳媒無法站在香港社會福祉的一邊, 作為一個市民, 係堅持所謂「左翼」或是「右翼」意識爭奪重要, 還是抽身出嚟, 以香港社會福祉、香港人合理權益為基礎, 去討論和處理事情重要些呢? 如是前者, 他們可謂為求在所謂意識形態戰上爭勝而無視香港社會需要, 在下就大膽的批評他們不過是自私精。或是在他們堅持著「大一統中華民族主義」的話, 那便請遷回深圳河以北定居好了。
事實上, 要是戰事由網上變成在現實中進行, 加上被收編的傳媒的繼續撥火, 1964年7-9月的新加坡歷史真係會重演
最後的, 在下就要跟這些人說：這個責任, 你們認為擔當得來, 就繼續做你們要做的事
延伸閱讀：
中國人根本無得救
葉劉淑儀唔好咁盡好喎
哪怕當年的新加坡的歷史重演
宜居灣區, 死心不息, 捲土重來
製造種族主義情緒的政團唔該同我收嗲
要掃蝗, 訴諸種族主義係無用架
黃世澤 - 香港正向1965年嘅新加坡進發？
無待堂 - 人之迷，其日固久：談社運界的一齣金枝慾孽
返回主頁
from 巴士佬 - 揸巴士? http://robustorlo.blogspot.com/2012/01/blog-post_18.html
