退稅、寬免差餉、提高入息免稅額等等, 呢啲搔不著癢處的項目, 講都廢時講
曾俊華提出一啲所謂嘅經濟政策導向, 完全垃圾到不堪
幫助發展旅遊業, 真係開正在下嗰瓣, 想唔打爆係無可能
旅遊業嘅建議完全垃圾, 根本唔敢掂因為自由行導致整個行業衰敗嘅事實。又只係投入建設項目, 根本都又係倒錢落海。仲要繼續擴建迪士尼, 擺明送錢俾美帝使；遊輪碼頭係必須, 但相關配套, 包括交通、酒店、從業員質素根本未搞掂；至於所謂盛事基金, 除咗農曆年嘅項目之外, 統統都係垃圾。舊年嘅長洲太平清醮已經搞到一PAT 屎, 中秋燈會又係無聲無息, 聖誕節又只係掛住SHOPPING SHOPPING & SHOPPING
重建廣華同瑪麗醫院, 早就要做架啦, 依家先嚟出聲, 在下一眼睇穿, 特衰政府旨在响目前中港矛盾之下掟啲嘢出嚟塞住某些派別把口, 轉移市民視線 --> 政府都開始做嘢咯, 算啦, 唔好嘈啦
鼓勵利用工廈發展數據中心, 鼓勵與內地合作科研
點解唔留返啲工廈嚟發展多元產業, 尤其是小型工業例如成衣, L+H 已經做咗一個好好嘅示範如何創造產業經濟同改善就業。
市建局加快重建，先導計劃推行工廈重建, 即係要扼殺工業重振啦。投入唔到知識經濟嘅人唔駛搵食!
發展東九龍商業區...... 正如前述, 九龍灣同觀塘本身係工業區, 應該留返嚟重振工業, 去使一班無法融入曾爵士強調嘅「知識型經濟」嘅勞動人口。再者, 近日發現一個FACEBOOK PAGE 「拒絕「起動九龍東」不要高架單軌」, 將呢個CBD2計劃踢爆晒又係地產霸權。至於又會益邊個地產商就真係拭目以待。
科研點解係要同大陸合作而唔係香港自己發展, 新加坡都有CREATIVE 同 SEGATE 之類嘅軟硬件企業, 有靠馬來西亞嗎?
住屋問題又只係繼續賣地起私樓, 講到尾又係拎嚟俾大陸人炒, 曾俊華咁鍾意俾機會大陸, 搬返北京住啦仆街!
公屋輪候3年目標繼續, DON'T BULL SHIT!! 在下有一位朋友, 申請一人單位等咗11年啦!! 上水天平邨, 天水圍就即刻俾佢, 一日幾十蚊車費&來回接近四小時車程, 你住啦
要鬧真係有排鬧, 講完呢啲重點算數。其他嘅留返機會俾大家好了!
延伸閱讀
香港旅遊業如何被「入侵」
市民得唔到安居如何發展經濟
九龍灣和啟德又嚟嘥錢
香港重新發展工業, 絕對有可能, 不過...........
香港重新發展工業不是沒可能
龍王別苑 - 香港需要工業－－－沉默的大多數年輕人，您在靜待甚麼？
返回主頁
from 巴士佬 - 揸巴士? http://robustorlo.blogspot.com/2012/02/blog-post.html
