【本報訊】今晚便要「收聲」的香港數碼廣播電台（DBC）臨別大控訴，昨晚在政府總部外公開播放一段絕密錄音，顯示大股東黃楚標親口承認，中聯辦下令電台 不可鬧中港政府。員工又爆料指控商務及經濟發展局局長蘇錦樑早已聽過錄音，但懶理中聯辦亂港。議員對中聯辦干預本港言論自由感到震驚，認為事件損害一國兩 制，政府必須介入徹查。
記者：潘柏林、麥志榮、翁煜雄
記者：潘柏林、麥志榮、翁煜雄
爭取DBC復播運動行動委員會昨連續第二天在政府總部外集會，晚上最高峯時有8,000多名市民參加。委員會召集人林旭華約7時宣佈播放一段絕密錄音：「聲帶可證明唔係股東糾紛，係政治打壓！」之後他激動至泣不成聲。今晚是最後一晚集會。
首度公開的錄音長約數分鐘，有兩段內容，一段是黃楚標與鄭經翰談判買賣股權，黃楚標語帶暗示指出：「你知道我點解唔賣得」。另一段是幾名股東討論聘請時事 節目主持人李慧玲。相信是黃楚標的聲音，指李慧玲主持節目嚴厲批評香港及中國政府，令中聯辦主任彭清華「好反感」，黃不想捲入政治漩渦。
首度公開的錄音長約數分鐘，有兩段內容，一段是黃楚標與鄭經翰談判買賣股權，黃楚標語帶暗示指出：「你知道我點解唔賣得」。另一段是幾名股東討論聘請時事 節目主持人李慧玲。相信是黃楚標的聲音，指李慧玲主持節目嚴厲批評香港及中國政府，令中聯辦主任彭清華「好反感」，黃不想捲入政治漩渦。
義播大會有8000人撐場，中聯辦干預的錄音令市民聽到心寒，恐香港言論自由已陷末日。李家皓攝
昨晚起絕食的樓南光（左圖），促政府介入調查DBC停播真相；林旭華（右圖）不甘電台遭政治打壓被滅聲，激動落淚。 李家皓攝
樓南光及曾健成絕食
林旭華表示，鄭經翰在一次員工聚會中播出聲帶，有人錄了一份交給他，今次播出未得鄭經翰同意，播出的是濃縮版而非「足本」。他又表示，有足夠證據顯示蘇錦樑 曾聽過聲帶，但聽完後仍堅持電台停播是股東糾紛，懷疑特首梁振英已「落order」要DBC滅聲，指斥蘇錦樑講大話，應引咎辭職。「今晚爆料後，希望聽晚 有10萬、20萬，甚至30萬群眾嚟參加集會，就可以改變一切！」
DBC節目主持人樓南光昨晚10時宣佈無限期絕食，直至蘇錦樑與他們對話。民間電台的曾健成也絕食支持。學民思潮黃之鋒亦到場支持，認為DBC停播與國民教育一樣，都是抗拒紅色勢力干預言論自由，港人必須撐到底。
此外，時事評論員黃世澤昨晚亦把同一錄音，以「DBC黃楚標李國寶絕密錄音震撼流出」為題上載到YouTube，聲言「DBC被政治迫害，證據確鑿」。網民聽罷後留言：「中聯辦唔鍾意，我哋就冇咗個DBC！」、「西環嚴重干預香港言論自由！」
本報記者昨多次致電黃楚標求證及查詢，但截稿前未能聯絡上。政府發言人昨晚回應，尊重言論自由，但堅持這是DBC股東間的爭拗，當局不適宜干預廣播機構內部事務。
DBC創辦人鄭經翰昨晚未有現身，其妻勞錦嫦上台感謝市民支持，眼泛淚光表示，曾勸鄭經翰要先諮詢律師意見有否違反禁制令；而對公開錄音，她感到很矛盾，一方面還大班清白，一方面擔心違反了禁制令。
錄音證實黃楚標說謊
立 法會資訊科技及廣播事務委員會下周五（26日）將就DBC事件召開特別會議。委員莫乃光稱，「彭清華係中央官員，咁樣說三道四，肯定損害一國兩制」。他明 日會去信委員會主席黃毓民，要求同時邀請DBC涉事董事、主要管理層和員工代表出席會議，並加開公眾聽證議，讓市民表達意見。
公民黨議員毛孟靜亦對錄音內容表示震驚，認為事件反映中聯辦完全無視一國兩制，中聯辦亂港「西環治港」絕非憑空指控，「點解連電台請一個人，都要由中聯辦 過問」。毛又指，黃楚標早前自稱未向任何中聯辦官員討論數碼廣播事宜，又否認因李慧玲批評政府而拒聘，錄音卻清楚反映黃說謊，梁振英政府應公開交代中聯辦 有否干預DBC。
浸大新聞系助理教授杜耀明促當局進行獨立調查，因為錄音令人懷疑中聯辦介入事件，有打壓言論自由之嫌，「錄音中冇直接講到係中聯辦叫黃楚標唔注資，但既然有懷疑，政府作為電台發牌機構，就有責任查清楚」。
DBC本月10日停播後，員工由15日起義播7天，自周五起在政總集會3天爭取復播。
DBC股東黃楚標李國章錄音曝光
兩段DBC內部會議的錄音聲帶曝光，根據錄音，2011年5月，DBC股東討論招聘商台主持李慧玲一事時，股東黃楚標、李國章、李國寶及黃子欣均反對聘用李慧玲。黃楚標認為，中聯辦對李慧玲「好反感」。現任行會成員李國章又指河水不犯井水，暗示DBC不應討論中國事務。黃楚標在另一段2012年2月的錄音表明不會把股份售予鄭經翰。
錄音Youtube連結（2012年2月錄音，由片段4分2秒開始）
2011年5月錄音
黃楚標：大班，你頭先話節目，大聲台見到有個李慧玲，佢主要鬧政府，仲要鬧中央政府，你係咪想我地做到咁樣…（李國寶：係呀，就是鬧Donald）咁佢來到我地台，你主要想佢做咩？政策係咩先？
鄭經翰：先講個政策先，做電台，最緊要有公信力，包括我在內，唔可以做政府喉舌…做電台最緊要有公信力，先有人聽。有人聽先有錢賺。最緊要係無政治立場，最緊要是其是，非其非。政府需要監察，唔監察點得呢？我就唔擔心，最緊要唔犯規，無針對性，但我地又唔好做喉舌。如果唔係電台無公信力，就無人聽。
黃楚標：李慧玲…是好惹火，你同我講過後，我地同彭（清華），中聯辦好反感，David（李國寶），你知嗎？（李國寶：知，係好唔想見到佢。），唔想我地要佢。但我亦同佢講此消彼長。但萬一佢來到（DBC），大班控制唔到呢？賺錢，我地當然同意，但我地唔想參與政治，或者捲入漩渦。我地應該明確清晰。
鄭經翰：做傳媒，第一要有獨立性…第二，我無可以話你聽我控制佢，如果我控制佢，係好大鑊，我無可能控制李慧玲，呢樣一定唔可以做。
我解釋畀你聽，有個宗旨，股東係分開。一頂帽，我係股東，另一頂帽我管內容。我係編輯，我都有自主…立場，我地不能預設，我同所有主持人都講，我地一定要根據事實，你地可以話有唔同立場…但我地一定唔可以有政治交易，我地唔可以話Donald話過，咁可唔以過…或者中聯辦我地話，專鬧民主派，就專鬧民主派，咁樣係唔得。一定有公信力。
黃楚標：我地唔想話為了個電台，引起不必要的…
鄭經翰：當你做傳媒，一定有是非…但有是非，你地咪話，找大班囉，把你地壓力卸開去，卸落我到。亦不需要話照住我，我唔使你照。
李國寶：我地照到你。
黃楚標：我地有意見表達，因為李慧玲係好惹火…
李國寶：就是河水不犯井水，我地無謂講咁多，你讚佢又好，彈又好…我地剩係睇返香港。
黃子欣：我講多一個point，佢（李慧玲）有D聲音黃絲帶......
鄭：要講，一定要講，今日個個都講艾未未，你唔講唔得，咁講完咪算囉。
2012年2月錄音
黃楚標：你亦知道點解我唔點賣得畀你，我係唔肯……我不如買多架飛機。
鄭經翰：如果我找到買家，佢又合資格，你地無得拒絕。
（不詳）：但我地同意（買家）先得。
黃楚標：我地做呢，就唔會好似大班咁鬧政府。
（節錄自Youtube錄音）
from Just Getting By http://1in99percent.blogspot.com/2012/10/blog-post_3439.html
