事實擺在眼前, 中共為求成功操控今次區選同下年立法會選擇, 不單止「無所不用其極」, 仲更加可以話係當香港人完全無到
用一個好粗俗嘅講法：依家擺明要搞局、要操控選舉呀, 你吹得我漲呀!
有說法, 中共只會容許可以預計到結果的選舉。咁種票法, 咪可以預計到結果。引伸出嚟, 就係中共要TAKE OVER 香港的控制權。
若說這些, 今日傍晚仲爆多兩單新聞出嚟, 完全體現中共要TOTALLY CONTROL 香港之餘, 仲要將「唔LIKE」嘅聲音完全消滅
先嚟第一單
香港電台 2011-11-23 HKT 18:35 立 法 會 否 決 捍 衞 新 聞 自 由 的 動 議
邊啲人投反對票, 唔駛在下LIST 出嚟啦。成班港共只係做緊北京嘅應聲蟲
另一單就一雞兩食
香港電台 2011-11-23 HKT 21:13 港 台 稱 節 目 改 革 周 融 吳 志 森 將 不 再 任 主 持
森哥被裁可以話預計之內, 鄧忍光呢條仆街一上場已經想郁手, 但佢以為「攤凍咗幾個月」就無乜事發生
可能好多讀者會奇怪, 以周融的「護駕有功」無理由會有事喎
鄧忍光應該諗住為順手將周融呢個無實質作用嘅擦鞋狗兜埋, 咁就可以淡化成件事
真係話啲 AO 只係識坐响冷氣房發白日夢, 真係無錯。以為學中共咁睇少香港人嘅能耐同智慧
其實周融不獲續約仲有一個情況可以理解, 就係佢「護駕不力」
有聽朝早「千禧年代」嘅都知, 周融同梁家永面對與政府相反意見的時候都只係做人肉沙包
佢哋無話無恥到禮義廉、工賊咁明目張膽, 呢啲可能响中共眼中就係辦事不力。只係梁家永係公務員職位, 炒佢唔到, 所以就踢走周融, 以示向一眾港共擦鞋狗表明：唔該盡快搞掂香港,同我做盡佢, 唔係就好似白頭佬咁嘅下場
順帶一提, 亦可以話開個賭局：謝志峰過唔到下年暑假
但在下希望會輸呢個盤口, 所以呼籲大家要有所行動, 撐行佢
從呢幾件事去睇, 就如文章標題 ── 中共要同香港晒冷, 就係要奪回控制權
响中共嘅眼中, 香港不過是一個由英國養大嘅肥豬肉。所謂嘅回歸, 就係要宰割呢啲肥肉
但過去的14年, 中共在香港撈到的好處比預期中少好多
原因可以理解為中共同其代理人/團體無法完全操控香港社會, 加上近年香港的本土意識、保育觀念陸續抬頭, 使到好多中共要駛出的行動都一一被識破背後的陰謀。例如669億的高鐵, 大浪西灣, 機場第三跑道, 環珠三角宜居灣區規劃......
撇除被收編的傳媒都刻意冷處理, 但被識穿就是被識穿
計謀失敗之後只得兩條路走 ── 一係投降走人；一係就背城借一, 盡地一煲
中共以為自己財雄勢大, 香港只係一粒鼻屎, 該選擇後者去走, 所以近大半年嚟, 香港社會出現好多前所未見嘅嗱咋招
就如借菲傭申請居港權官司大玩種族主義, 或者今次區選咁樣
目的只有一個, 就係要一個完全控制權。攞唔到的話, 就借種族主義、貧富懸殊等等社會問題作為炸藥, 將香港炸個稀巴爛
在下或者引用一句俗語嚟自我安慰 ── 上帝使你滅亡, 必先使你瘋狂
香港人多少還有文明的意識, 唔係話你中共想點就點的
中共要取得香港的控制權, 即係將「一國兩制」完全廢掉, 其所以變成一個謊言
香港人, 繼續北望神州, 還是挺身而出, 還看明天了
延伸閱讀
黃世澤 - 土共想奪權想到發燒
無大陸, 香港會陸沉?
仲唔廢除中英聯合聲明做乜呀
宜居灣區, 死心不息, 捲土重來
一國兩制根本從無落實過
香港人, 仲唔識醒就準備送死
菲傭定蝗蟲, 任君選擇
地產霸權之「開到聲趕你地走」
返回主頁
from 巴士佬 - 揸巴士? http://robustorlo.blogspot.com/2011/11/blog-post_24.html
