根據加拿大《國家郵報》今年 10 月報道，加拿大政府今年 2 月對香港人放寬工作簽證門檻後，首四個月就接獲 3,481 宗申請。今年 1 至 7 月，透過一般途徑申請加拿大永久居留權的香港人有 1,219 人。截至今年 6 月，有 30 名港人正等待加拿大政府審批難民資格申請。
「講真呢度幾好，幾多華人，我喺度食到香港嘅嘢仲多過喺香港。」電視電台節目主持人彭晴今年 9 月辭掉 NOW TV 工作後，遠飛 12,500 公里到多倫多。人們都以為她移民了，她說還在猶豫，因為她想再給香港一個機會。
即使已決心長留加拿大的人，也不見得對香港沒有留戀。前中大學生會會長周豎峰今年 1 月收到「中間人」的威嚇後，決定與妻子登上離港的航機。但身在自由國土的九個月來，他仍走不出前塵：「你要我走返出嚟展開新生，我做唔到。」 （系列三之一：加拿大篇)
與周豎峰相約在麗晶廣場二樓，這裡與香港一般的美食廣場沒有分別，周圍的人都在說著廣東話或普通話，小吃攤賣的都是雞蛋仔、肥牛米線、乾炒牛河、凍檸茶 — 有一剎那恍神，以為自己仍然身處香港，但其實這裡是溫哥華本拿比（Burnaby）的一個華人市場。
今年 3 月 25 日，周豎峰倉促登上飛機，飛越一萬公里，來到加拿大。疫情下多國持續鎖國，他沒有太多可選擇的目的地，加上太太本來正在溫哥華讀書，所以他就決定來溫哥華，並隨本身屬加籍的太太申請入籍。等待了快九個月，他仍未收到加拿大領事館的回覆，因此一直未能正式工作。像在香港時一樣，他繼續接不同寫作的工作，為香港雜誌寫稿，也為一些台灣組織撰寫香港研究的學術文章，但仍是不足以維生，只能一直靠積蓄度日。
早就作好流亡準備
生活雖然較以前拮据，但他過得比在香港時輕鬆。加拿大畢竟也是一個移民國家，香港文化隨處可見，來了不久，他很快也適應了這裡的生活。他每天除了為報讀碩士課程做好準備以外，就是鑽研不同的新菜式，他喜歡為太太和朋友下廚。最近，他更領養了一隻只有三隻腳的小狗，改名 Tripod，一家三口不時出外散步，算是挺寫意。
周豎峰從來沒有想過自己會離開香港。自 2012 年反國教運動起，他在朋友邀請下擔任學民思潮的義工，自此他踏足社運圈，持續參與香港民主運動。到了 2014 年升讀大學，未幾發生雨傘運動，他從中大中文系轉到政政系； 16 年成立「星火」，擔任中大學生會會長，成為學界本土派的代表。畢業後，熱愛寫作的他退居幕後，出任議員助理，做代筆，在不同平台發表政論文章。至 19 年反送中運動爆發，這一切對他來說，都是可以預見的歷史進程。身邊的戰友早在魚蛋革命後或流亡、或坐監，他早就作好了心理準備，自己可能也有著類似的命運。
但政權的打壓，還是來得比他想像中快。去年，十七區區議會舉辦聯合會議，後通過成立「香港公民議政平台」，周竪峰擔任籌委會秘書。但在平台成立前夕，平台被《大公報》及《文匯報》批評企圖成立「在野影子議會」，或違《國安法》，又被民政事務局局長徐英偉指違法。
今年 1 月，政府以「串謀顛覆國家政權」罪名大舉拘捕參加民主派初選的人士，連提供技術支援的民主動力都不能倖免。2月底，有中間人接觸周豎峰，語帶威脅地想要調查民主動力的內幕消息，實則想他「篤灰」，他斷言拒絕。當時正好是初選案提堂，他連續幾天到法院旁聽，難忘譚文豪在庭上陳詞時，說著自己熱愛的家庭和工作，哭得聲嘶力竭。他開始在去留之間思考，一個月後，決定登上飛機。
至今仍心存內疚
離港九個月，周豎峰至今仍對這個決定存有內疚。「每個人想留低嘅原因不同，有人覺得身土不二；有人覺得呢個係我地方，我要留低先做到嘢，離開咗就冇 stake。我出發點係我覺得我有個責任，過去咁多年，如果有一個學弟妹係因為我講嘅一句嘢而行咗呢條路，令佢有佢要承擔嘅後果，咁我諗我係對佢唔住，呢個 guilt 我係一直都有。」
身在異鄉，他最想念的是他在社運路上一直共同作戰的兄弟，對於正在獄中的，他更感抱歉。「我以前喺香港時成日探監，但依家 honestly，我只係寫過一、兩次信。呢個係好 soul searching 嘅行為，你唔只係要面對佢哋，你都要面對你自己。咁其實係好痛苦，有幾次揸住枝筆想寫但都寫唔到。」但理性判斷來說，周豎峰堅信他離開的決定是正確的。「我唔敢高估我精神上嘅韌力。我當我好偉大，肯坐監，但如果我一日 break 咗，我篤灰，帶嚟嘅傷害會更大；加上又結咗婚，會諗另一半會點。」
周豎峰和他的愛犬 Tripod。
在地球另一端的溫哥華，儼如一個與世無爭的平靜國度，與水深火熱的香港截然不同。但即使離開，周豎峰仍繼續密切關心香港事態。「有人會話，你離開咗香港，個根就離開咗，你就掕唔返架啦，你同香港永遠都有距離，某程度上我同意，我諗呢個係所有離開香港嘅人都會面對嘅難題。但對我嚟講，keep 住呢團火係件好自然嘅事。由我 15 歲開始反國教，到我依家25 歲，當你投放咗十年嘅 prime time 喺呢件事上，你要我走返出嚟展開新生，我做唔到。我唔敢講我未來一定唔會變，但我諗我個終極關懷同依歸都係會講返香港。」周豎峰說。
這九個月，周豎峰繼續寫作。身在自由之境，擺脫了白色恐佈的制肘後，他自覺抉擇的空間比以前多了。「寫字嘅人最怕冇咗自由，《國安法》後，我幫人代筆，我要諗好多嘢，因為出係出佢個名，出事嗰個會係佢唔係我。同時學術上如果你有啲context 唔講得，咁其實篇嘢會係廢。」在這期間，他也低調地與幾位國會議員會面過，討論收容港人的問題。
強化學問 希望幫到香港
但長遠而言，香港人如何在異地繼續推動香港民主運動，仍是周豎峰思索中的問題。不少流散港人在英、美、加、澳、台等國家繼續舉辦聲援香港的遊行集會，他欣賞他們的幹勁，但他質疑其效果。「我哋喺香港搞遊行集會有用，係因為喺香港； 我當你聚晒全溫哥華所有香港人，當然係可以提醒到人，好似悼念六四咁，但跟住點呢？」他亦不同意流散港人在異地搞政治組織甚至參選。「咁你咪即係將人哋地方變做香港殖民地？咁樣係好唔尊重當地人，而且你係應該要 care 埋當地人嘅需要。」
咁你有咩高見？周豎峰無奈笑說：「我冇！我諗到我就係下一個香港政治領袖啦。肯做係好事，但喺呢個離散嘅環境下，比起一嘢衝落去做，你要諗吓以前嗰套搬過嚟 work 唔 work。」正因如此，他決定報讀政治系碩士，研究香港歷史和社會脈絡，以尋求答案。「第一步你強化咗自己嘅學問先，希望幫到香港，就算幫唔到都為未來行動提供知識同理論基礎。你想去說服唔同背景同脈絡嘅人去支持你，你就要講好呢個香港故事，令聽嘅人明白、理解、同情，最後支持我哋，亦令嗰啲抹黑我哋嘅人最後站不住腳。」
周豎峰寄語身在海外的港人都能夠為香港講真話。
遙看著彼岸的香港沉淪，周豎峰仍然熱情滿滿。「絕望同希望相同，都係極為虛妄，咁咪 do your best 囉。再老套啲講，準備咗唔一定有，唔準備就一定冇，係咪？」他最害怕香港人選擇自我放棄，「你話明顯嘅政治抗爭或街頭抗爭要放棄，咁呢個無可避免，但你話精神上都放棄埋，甚至我哋呢班成功逃離去到自由國度嘅人都放棄埋，咁當歷史改變突然出現，咁香港人係咪會坐喺度唔識反應呢？所以我哋一定要 be prepared。」
對於仍然留守的香港人，周豎峰寄語：「仲喺香港嘅一定係要忍辱負重，死捱難捱，見到差佬就好似見到皇軍咁要低頭，係好痛苦。咁講好似好風涼，我都唔知可以講咩，但希望你哋可以頂住，你唔一定要做啲好 explicit 嘅政治行動，但你都可以潛心修練。」流散異地的，他只希望大家能做回一個自由人。「當你講真話唔會再被威脅時，你就嘗試講返真話啦。既然選擇離開，咁如果你依家仲畏首畏尾， 咁有咩意思？」
*************************************************************
彭晴 9 月重返多倫多
9 月 10 日，彭晴離開了工作 13 年的 NOW 電視台，香港觀眾無法再在香港大氣電波中聽到她的聲音，卻在 Youtube 繼續找到她的蹤跡。自去年起，她開設「彭晴的生活頻道」，似往日在香港電台主持《晨光第一線》一樣，與聽眾分享香港和海外資訊。兩個月前，她飛到多倫多，化身成為旅遊 KOL，帶網友一同遊走洛磯山脈和尼加拉大瀑布；轉眼又化身成地產經紀，帶網友看多倫多樓盤。
彭晴可以成為多倫多「地膽」，不是沒有原因。1989 年 1 月，13 歲的她跟隨父母離開香港，移民加拿大。當時六四事件還未發生，父母決定離開，純粹是為了與在加拿大的親人團聚。她從未去過加拿大，只聽說在外國讀書較輕鬆，所以也沒有抗拒。就這樣，她在多倫多一直待到 97 年。當很多香港人因為香港回歸而急著移民外國時，她卻反其道而行，回流香港。那時北美經濟衰退，大學剛畢業的她一直找不到工作，正好香港多機會，她便又回港了。
回港發展以來，彭晴成為了一個媒體人，在香港電台主持過不少節目，後來又在 NOW 擔任時事節目《時事全方位》的主持人，一做就是 13 年。她很喜歡這份工作，覺得既可以讓自己增進知識，又能為香港普羅大眾發聲。但在 9 月 10 日，她遞上了辭職信。
過去一年，在這風雨飄搖的香港，新聞業一片腥風血雨，不少媒體慘被收編整治，NOW 也不例外。新班子上場後，舊班底已被開刀，後來刀鋒也降臨到彭晴身上。「好傷心，真係好傷心。」她從來沒有想過自己竟也留不低，「我唔算係一個好尖銳好激進嘅人，有時啲人講起彭晴都唔知佢係點嘅人。我覺得我作為一個主持，我係稱職嘅，因為兩邊意見都喺度，最和稀泥嘅角色就係我做架嘞。我覺得無論建制定泛民，我都招呼得好好架，唔係話同建制好 friend，但我都好尊重佢哋，對佢哋好有禮貌。你話係咪因為有立場，大佬，每個人都有立場，但我好公私分明，我覺得我好溫和，你咁都要郁我？」
同事陸續離去 心灰意冷
面對快要揮下來的屠刀，彭晴心灰意冷，眼見作戰多年的好同事都陸續離去，她決定自動請辭，離開傷心地。同時，她身在多倫多的父親患病，只剩母親獨力照顧，於是她把心一橫，決定飛回多倫多老家，當給自己半年假期。
今次回來，彭晴有如再次認識多倫多。讀書時期，她一邊上學一邊打工，營營役彼，從未認真探索過這個城市，到後來不時回加探親，也是來去匆匆。現在她才發現原來多倫多「好多嘢玩」，像家附近的公園，變成了她的跑步徑--每樣從前沒有細味的事物，今天在她眼中都新奇有趣。
彭晴形容，身在異鄉的日子比在香港時候開心得多。
這兩個多月以來，她發現自己比在香港時開心多了。其中一個原因，或許正是遠離了香港。「過去呢幾年，好多時對好多嘢都好上心，會覺得有冇搞錯，成日喊喊喊，但依家我唔使日日睇到新聞。雖然我依家都有睇香港新聞，唔會畀自己變成港豬或加豬，但至少我唔使好似以前咁 newsroom 收到咁多嘢。我覺得少睇少見，唔好咁上心嘅話，我個人係平和開心咗。」
放鬆心情之餘，她這次回來也是想要探索在加拿大定居的可能性：「我覺得我好 adaptable， 我喺邊度開心，咪去邊度囉。如果一個地方成日都令到你誠惶誠恐，擔驚受怕，聽日我又唔知會發生咩事，你都唔會想喺呢個地方住得耐啦， 你都會想搵個生活得舒服嘅地方啦，做人係咁簡單之嘛。」
數月後返港再作打算
朋友都勸說她索性繼續留在加拿大，擔心她回港會因為過往的新聞工作而被秋後算帳。但彭晴還是未能下定決心移民，一來因為香港還有她和先生的家人，二來因為香港始終是自己的根。「講真呢度幾好，幾多華人，我喺度食到香港嘅嘢仲多過喺香港。但你要我連根拔起，真係一個好艱難嘅決定。」
彭晴仍未決定會否移民，連根拔起畢竟是艱難決定。
彭晴決定在加拿大多待數月，然後再返回香港。心底裡，她始終想再給香港一個機會。「我想再睇吓，到底香港係咪真係唔住得人。黎巴嫩戰亂都有人住啦，咁係咪唔住得？當然香港一定未去到戰亂咁嘅地步，但作為一個喺香港生活咗幾十年嘅人，睇住佢嘅轉變，係好傷心嘅。我都會問自己：咁樣走咗，你啱唔啱？」
關於去與留的問題，彭晴未有最終答案。但香港這個讓她曾流淚不止的城市，仍有讓她留戀的地方。過去她擔任傳媒工作以外，亦會做義務工作，例如為盲人錄製口述影像。「就算我無法再做傳媒工作，但我會諗，我仲有冇嘢可以貢獻呢個社會呢？我有好天真咁諗，希望可以繼續發揮我嘅力量，特別喺香港。」
記者：陳芷昕
from 立場新聞 Stand News - 全部文章 https://www.thestandnews.com/society/2021-%E5%9B%9E%E9%A1%A7%E7%A7%BB%E6%B0%91%E5%89%8D%E4%B8%AD%E5%A4%A7%E5%AD%B8%E7%94%9F%E9%A0%98%E8%A2%96%E5%B1%95%E9%96%8B%E6%96%B0%E7%94%9F%E6%88%91%E5%81%9A%E5%94%94%E5%88%B0-%E5%BD%AD%E6%99%B4%E5%92%81%E6%A8%A3%E8%B5%B0%E5%92%97%E5%95%B1%E5%94%94%E5%95%B1
