.....
......
陳鏡秋昨向本報承認自己只是內地「藝術幹部」，但情緒激動拒絕回應本身是否共產黨員。
......
當記者問及他為何在港從政，歷任3屆區議員（兩屆委任，今屆民選當選）卻隱藏內地幹部身分達20年之久？陳鏡秋情緒激動地說﹕「我點解要提呀！我點解要提呀！我點解要提！……你都有本事摷到呢件事，你咪講囉！」記者追問，陳鏡秋不耐煩地說﹕「我嘅私人嘢可以唔答你，你啲問題好個人，好私隱。」記者再三追問他是否共產黨員？陳拒絕回答，掛斷電話。
撇除中國共產黨無退黨呢回事 (其實十足黑社會咁, 要「鬆人」就要斬手斬腳」
陳鏡秋如果唔係身有屎, 駛乜咁緊張咁激動, 仲要玩「吸」線呢
先有藝名梁佑嘉嘅老豆梁平搞單「一屋七姓十三人」出嚟, 跟住政協參與嘅全港種票操盤大行動, 再有黃春平, 陳鏡秋呢兩隻有合理理由相信係中國共產黨員嘅人參與地區議會公職, 仲有曾鈺成同曾德成呢兩隻打死都唔認係咪共產黨員嘅人.....
足以證明《中英聯合聲明》已經係一疊廢紙, 五十年不變, 除了國防同外交事務, 其餘港人治港、高度自治, 全部已經落空晒, 依家只欠一個具備法理效力的宣稱失效。
中共數已走, 香港人追數, 天公地道! 追啲乜? 叫中共清理返晒响香港嘅干預勢力, 唔清嘅就要求英國以締約國身份重新介入香港事務, 兩個都唔找數就要求聯合國以「聲明」失效而接管香港。
不過, 中共擺明黑社會靠惡, 真係睬你香港人都有味；英國佬方面, 以現任首相 David Cameron 優柔寡斷嘅性格, 成日擔心自己嘅首相地位同Conservative 執政地位不保, 唔敢掂香港問題。連處理BN(O)找數問題都閃閃縮縮；中共响聯合國有否決權.......
睇返香港人自己本身, 在下唔知係香港人已麻木、死心、怕事、荒張但束手無策, 定抑或係點
繼續保持緘默, 真係無人幫到香港而只能夠等死
可能普遍認為中共就係黑社會, 唔夠佢惡就只能收聲
咁即係話依家出聲又死, 唔出聲又死? 但唔出聲, 無人知你想點
所謂「橫又死, 惦又死」, 係咪應該睇下邊個方向仲有一絲希望就去摶一鋪呢?
延伸閱讀
香港人唔死都x用
中、英雙方唔該找數
中共要同香港人晒冷啦
英國佬咪諗住走數 (加映David Cameron vs Neville Chamberlain)
仲唔廢除中英聯合聲明做乜呀
一國兩制根本從無落實過
黃世澤 - 有人走數，就要追數
返回主頁
from 巴士佬 - 揸巴士? http://robustorlo.blogspot.com/2011/12/blog-post_15.html
