對於啲疑似特首候選人有關住屋同地產發展嘅言論, 在下真係好難接受
繼早前范徐麗泰質疑難以在市區覓地興建公屋, 去炮轟梁振英之後
唐英年今次更唔駛范婦人呢個支持者出聲, 親自開口講唔要興建公屋
有線新聞 2011-11-13 13:47 唐 英 年 舊 樓 天 台 與 基 層 對 話
佢話興建公屋會妨礙經濟發展, 如果在下响現場就會問佢：
係咪妨礙有份投票俾佢嘅地產商嘅經濟發展, 定真係全香港嘅經濟發展呢
睇怕答案都係後者架啦!!!
正經啲去講, 如果唐膠年呢個膠論係正確的話.....
咁1958年「香港屋宇建設委員會」的成立, 前港督葛量洪、柏立基大力發展公屋的時候, 香港的經濟發展卻正是進入快速增長之時期, 戴麟趾大力發展工業之餘也不忘興建公屋。及至麥理浩一上場, 就將「屋建會」改革成立房委會並提出「十年建屋計劃」, 香港又進入所謂「黃金十年」的時期
呢段歷史係咪唔應該發生呢?!
在下唔識乜嘢經濟學之事, 但單從常理去了解, 套用中國諺語：「安居樂業」去睇, 唔「安居」何來「樂業」
從葛量洪到麥理浩所做的住屋大計, 結果就係使市民得到安居, 所謂唔駛擔心生活
跟住就藉著發展各行各業的產業, 使市民能因應才能參與其中, 這就使當時的經濟得以發展
當前的香港, 公屋入住資格限制不合理, 居住面積引伸的生活質素；劏房肆虐政府卻不去解決；樓價颷升與實質購買力脫晒節, 但又唔參照麥理浩提出居屋計劃的理念, 去建立另一個有實效市場去迎合部份市民的住屋期望.....
唔好話「安居」, 根本連住都成問題的時候, 就是使人心不得安穩, 連生存都得要付出很大的勞力, 加上產業的局限, 經濟又如何發展呢?
要是再套用尤德上任後第一份施政報告所言：
「建立一個鼓勵市民發展幹勁和進取精神的環境；只有在特別情況下，例如正常經營受干擾、工人得不到公平待遇、或本港聲譽受損時，政府才會對工商及金融界進行干預」
按照呢個道理, 當前的社會狀況政府係無可能唔做嘢。
但亦可能其實係做緊啲嘢, 不過同尤德所言的方向係相反, 更是借「自由經濟」為名, 造就資本家霸權為實。
總之香港一日唔處理好市民安居問題, 咪駛旨意發展經濟
或者「高增值人士」唔好以為得返你哋就可以呼風喚雨
延伸閱讀
無錢嘅唔駛住呀
公共交通工具, 係要嚟服務市民, 唔係炒賣嘅
地產霸權之「開到聲趕你地走」
英國管治時期更值得回味
規管劏房, 不如搞好房屋政策先啦
香港重新發展工業, 絕對有可能, 不過...........
新生代只懂抱怨生活難過???
新奴隸主義
返回主頁
from 巴士佬 - 揸巴士? http://robustorlo.blogspot.com/
