《國歌法》恢復二讀的前夕，連登、Telegram 等一貫發放抗爭資訊的頻道開始為今日（5 月 27 日）的示威活動「吹大雞」。
將近一年前，歷史性的 6 月 12 日的前一晚，是《逃犯條例》修訂草案恢復二讀的前夕。當時網民也發起留守及包圍立法會，也是「吹大雞」。當時的紛爭主要在於時間：6 月 11 晚出好？定 6 月 12 日早上出好？早上出，趕得切嗎？
一年後，紛爭已遠遠不僅限於時間。問題不是「出唔出得切」，而是「出唔出好」？
昨晚傳出消息指，警方將加強部署，嚴密佈防，將動用超過 3000 警力，採取「快刀斬亂麻」式的策略。接近深夜時分，又有消息指建制派議員已經漏夜返回議會，準備守到早上直接開會審議《國歌法》草案。
種種跡象顯示，集結金鐘似乎將是「死路一條」— 然而網上輿論未有呼籲「轉場」，反而向兩個極端走：「行動 post」仍然獲得迴響，但另一邊廂則有言論勸喻示威者不要「送頭」，留得青山在。
最後，到底誰在這種不確定的氛圍下走出來了？「527」和「612」這種「反二讀」的行動都是專屬於黎明時分的抗爭，必須趕在立法會開會之前「開波」。然而，今天早上，金鐘一帶除了有大批警員駐守以外，非常冷清。「曙光行動」死了嗎？還有誰會響應「曙光行動」？
今天出來的人，有沒有隱約抱著「重現 6.12」的期盼？今天早上示威力量薄弱、最終逾 360 人被捕的結局，是否意味著，反修例運動已迎來了一道難以越過的坎？
迷惘，但仍然出來的和理非
Matthew（化名）是中五生，停課近五個月以來，終於今天中午 12 點回歸校園。但在 12 點前，他先要做一件事。
「都係想回應一下國歌法。原本諗住同成班朋友去支持呢個活動，但我自己一個人在附近等（朋友）時被人截查，令到個心情亂咗。」Matthew 和記者對話時正值早上 9 時多。他剛在中環歷山大廈附近被警察截查，事後神色依然警惕而慌張。
「因為之前的活動，警力唔會咁深，但佢加重咗。而且我驚…佢隨時查你會覺得好恐慌，你見到佢濫暴咁猖狂，參加活動都擔心自己成為其中一個受害者。但唔嚟又對唔住自己，因為個活動想抗爭、想維護自由。」
Matthew 坦言現場的情況和他想像中有點出入，「金鐘附近八點幾九點都好似無乜人，所以有少少失望。」
這其實並非記者第一次看到 Matthew：早上大約六時許，在金鐘地鐵站月台，記者早就見過他。當時，Matthew 獨自佇立在交錯不斷的人流中，低頭按著電話，像是在等待什麼。527 早晨的金鐘、中環一帶就是充斥著和他行色相仿的年輕人：在空蕩的街道上或二人一組，或三人一組，似乎都正因為漫無目地遊走，而更顯得有所企圖。
同一時間，金鐘一帶大量警察佈防，幾近全面封鎖海富橋和中信橋，不停搜查行人，情況儼如戒嚴。
2020年5月27日，金鐘
約 8 時許，深知道在金鐘難以成事而「轉場」歷山大廈的，還有 Billy 和 John。他們同樣是響應 Telegram 頻道的號召，前往歷山大廈集合的時候，在大廈附近被警察截查及抄錄身分證資料。
被問及他們對今天的期望，他們坦言「有諗住（會似 6.12）」，但看見人流的疏落亦難掩失望之情。「其實好洩氣，好唔開心。好老實講，根本改變唔到啲乜。（朝早）見唔到人塞鐵囉，真係好灰……」
但時移勢易，面對警暴問題越趨嚴重、《國安法》頒行在即，二人明白現在出來示威的代價更大。「我會明白佢咃唔係想放棄，而係佢地會覺得，無謂送羊入虎口。我明點解佢哋會唔出嚟。」
又被抄低身分證，又不見「手足」，下次「吹雞」還會出來嗎？Billy 說，「咁又唔會（唔出），下次再睇下情況囉。我地唔會咁快放棄，相信我哋啲手足。講真我地仲有廿幾年時間。仲有啲手足係好團結的。」
* * *
訊息混亂 凝聚力下降？
Billy 和 John 雖對其他示威者有著無限諒解，但對早晨的行動結果也不禁無奈嘆道「（覺得）有少少伏。」
「尋日個（Telegram） group 搞到好亂，一時話呢度，一時話嗰度，一時話 cancel，又話『18 區開花』，而家又話『九龍開花』，未有結論。」早上 10 時許，連登、Telegram 一度傳出「1300 九龍大遊行」的消息，出 po 者形容由於港島區「十級重狗」，示威者應「轉場」去九龍。 結果記者準時到達旺角，又發現響應的市民寥寥可數。
約 10 時許在銅鑼灣 SOGO 附近被截查的 Oscar、Yorky 和 Charles 也感覺今日的活動組織及資訊有點混亂。Charles 指出，重點是行動目標不明確。
「好似話原本係想阻止（建制派）議員入去開會呀嘛，但其實已經佢哋入咗去開緊會，咁喺立法會附近嘅目的係乜嘢呢？目的性唔明確嘅時候，即係有啲混亂，我唔知想點。咁企喺度，咁同警察去對抗…即係嗰個目的唔明確嘅時候，我哋好唔知想點囉。」
被問及會否覺得行動失敗，Oscar 說，「某程度上嚟講，小小失敗囉。凝聚力冇 6.12 嗰時咁好囉。」
時間跳轉至早上 11 時，銅鑼灣希慎廣場內。人群開始在二、三樓聚集，往中庭靠攏，倚欄而站，儼然是「和你 SING」的陣式，卻沒有任何呼叫，人們行行企企，面面相覷。有些人似乎很早就起來，但如今又無所事事，於是伏在開放式店舖的桌椅上小睡。
「而家個心情......迷惘。」應屆 DSE 生畢同學（化名）這樣形容。她和另外三個朋友皆手持直傘，正躊躇著該待在二樓還是下去，但似乎兩者無太大分別。
剛考完 DSE 的小黑則認為，5.27 的情況和去年 6.12 很不一樣。「因為 6.12 係始終合法㗎嘛（編按：當時民陣申請在中信大廈外集會，獲發不反），好多人的心態可能係：我參加遊行示威係正常嘅，被捕的可能性比較低， 因為嗰時成個過程係合法㗎嘛，你冇乜嘢理由去拉我。而今次成個狀況唔同，你出得嚟，已經預咗係有機會俾人拉，風險相對會大啲，大家都可能因為呢樣嘢卻步。」
所以是氛圍問題？「冇錯，大家都已經開始有少少驚。」
小黑身旁的友人阿雪補充，「某程度上，（今日）少咗過去嗰種類似打仗的感覺，我覺得我哋呢場運動其實堅持到一年已經好勁。…因為政府係陰啲陰啲咁去做一啲野，而唔係去明刀明槍去做，變相好唔容易去深入人民的心底，令佢覺得：哦，依家就係製造緊恐怖，而唔係硬碰硬。」
小黑看著商場周圍開始聚集的人，「同埋覺得，今日出嚟嘅目的好似係有少少為做而做囉，好似冇乜目的性，大家都諗過想做一啲嘢，但係要實行係有啲難，同埋出嚟好似係有『送頭』嘅感覺囉。」
2020年5月27日，旺角
除了社會氛圍變得嚴峻，集結抗爭力量的資訊平台，似乎也是其中一個讓示威者感到無所適從的原因。提到由運動至今，在推展、醞釀抗爭行動路線中扮演著重要角色的討論區「連登」，有兩名受訪者皆分別提到討論區中的「分化」現象，似乎某程度上影響著如今示威的行動力。
John 語帶疲憊地說，「其實 11 月已開始係咁，（運動支持者之間）鬥到依家。有些人就將幾年前同對家的私人恩怨，擺上連登，搞到咁。既然大家都唔團結，咁不如咩囉…有少少唔開心嘅，雖然我一個人 call 唔到啲咩，但團結就是力量。但既然大家都散喇，其實都無辦法啦…當年雨傘運動都係咁，搞分化，唔團結，所以先失敗。」
「分化」指涉的是動機，或難以驗證；這兩天「連登」呈現的，至少是意見分歧。
縱觀 5.27 前夕的「連登」貼文，除了一開始「明天527全部出街」、「香城 ONLINE 527 添馬之戰」、「明天將與理大一役相當，成轉捩點」等一開始獲得不少迴響的「行動 post」以外，接近深夜時分，有不少考慮到警方執法將更嚴厲、勸諭示威者韜光養晦的貼文亦開始陸續出現，如「5.27 嘅行動就係唔好衝動」、「手足勿衝動，案底留一世」、「我諗咗好耐好耐，始終都係覺得 527 唔應該出嚟」等。後者所獲得的迴響更大，但直至早上，討論區中也未有可察覺的主流定案，與以往大型行動前的氣氛不盡相同。
今天也有到畢打街一帶聚集、經常在「放飯」時間參與中環「和你 lunch」的護士阿 A，在回答有關訊息混亂的問題時，也提到「連登」：「有些（post）話出，有些話唔出。其實各有各做都啱，鍾意出就出，但要保障自己先，而唔係好勇武一路衝。始終已經唔係一開始咁，所有人都喺條街度幫你，而家真係有些人唔敢出。保護自己是最重要。」
* * *
送頭？「明明是濫捕」
「好嬲，根本係亂嚟、亂拉！」大學生杜小姐在朗豪坊外向記者說。
時為下午 3 時許，約半小時前旺角有市民行出馬路，往尖沙咀方向走。未幾防暴警察到場。逾 60 人在砵蘭街朗豪坊外被截查，其中包括不少身穿校服、今天復課的中學生，警察要求眾人面壁。
過百市民在對面行人路圍觀，有人不斷向警察大喊「黑警」、「販冰兵」。杜小姐就在其中：「我一直喺度，望住佢哋被人拉……你睇（封鎖線）入面，好多都係學生，搜完書包，話拉就拉，（警察）無規矩可言，完全唔當法治係一回事。」
未幾，警方宣布，該批被圍堵的市民因涉非法集結被捕。被捕人士逐一登上警方旅遊巴士，當中包括穿校服的中學生。她們上車的一幕被鏡頭攝下，相片在網絡廣傳。不少人為之心痛。
2020年5月27日，旺角有中學生被捕
這只是 5.27 下午的冰山一角 — 稍早之前，警方在銅鑼灣希慎廣場外行人路拘捕數十人，指其參與未經批准集結，連同附近波斯富街一帶被截查後被捕的數十人，合共過百人被捕；其後銅鑼灣再有數百示威者成功從軒尼詩道突圍，佔領馬路往灣仔、金鐘方向邁進，但防暴警察隨即截擊，於灣仔警總外拘捕逾 50 人……警方最終宣布，今日逾 360 人被捕，根據資料，人數為 2020 年單日最高。
與龐大被捕人數形成強烈對比的，是示威者今日行動的威脅性。
環顧全日各區行動，除了旺角晚上有人燃燒路障，製造久違的火勢及零星爆炸聲響，其他示威者的行為基本上沒帶來太大威脅：幾乎沒人向警擲雜物，更遑論是磚頭、汽油彈；頂多是以雜物堵路，稍為堵塞交通；即使遊行，通常也只能走個十幾分鐘，走得最遠的是由銅鑼灣行到灣仔警總 — 然後卻被捕。
如此結果，似乎和事前不少人批評行動等同「送頭」的論調，不謀而合。
2020年5月27日，旺角
一聽到記者提起「送頭」二字，30 歲的 Kelvin 反應極大：「送乜尻嘢頭呀？」今日下午，他本在銅鑼灣希慎廣場內叫口號，其後有示威者走出馬路，他跟在大後方，結果最前面的人被圍堵拘捕，他則繼續留在周圍努力拍攝被捕者的樣貌，再上載到 Telegram 的被捕者支援群組，「影到相就影，影唔到相就拍片，記低車牌，幫得幾多就幾多…」
Kelvin 自知也走得不前，但他認為要尊重每個抗爭者的選擇，「出嚟行，願意付出幾多是他們的選擇，大家都係咁樣做。點解唔落場那班可以話人送頭？…我只可以話，出來的人是為香港好，你估佢哋真係諗住被人拉咩。點解要話人哋『送頭』呢？」
他愈說愈氣，「到佢哋真係被人拉咗，我哋要諗嘅，點解唔係點樣令少啲人被捕，而係笑尻佢哋『送頭』，係咪 on9？」
一如過去一年每一個抗爭日子，連登的風向全日也在變。下午起，討論區出現大量聲討「送頭論」的帖子，其中一帖有過千正評，樓主這樣寫：「響鬧市圈起百幾人拉曬，明明係濫捕，送乜撚野頭？」
如果一直「打唔起」，點算？
相比起港島一帶「黎明行動」的挫敗，今日中環的示威活動似乎是疫情以來士氣較為高漲的一次。 護士阿 A 說，觀察到「和你 lunch」的低潮始於疫情，人們是這幾天才重新出來示威。
另一位經常參與「和你 lunch」的電腦業人員何先生亦有類似看法。「我覺得疫症完了（按：應該是指緩和）之後（士氣開始低落）。因為用限聚令呢招真係無敵㗎嘛。商場全部衝晒入去咁樣。」他又指「我驚聽日都係咁。大家明啦，國安法。」
據記者觀察，今日的確有數百名市民集結於「和你 lunch」的核心地帶畢打街，與該地帶近月的其他示威情況相比，民情確實較洶湧，但聚集各處的人群亦很快遭警員以武力驅散，後未有重組。
2020年5月27日，中環
追求民主的心再強，是否也難戰勝病毒和時間的消耗？何先生卻不認同運動是「沉寂」，而是有另一種情緒在湧動。
「自從兩個禮拜前在 PP（太古廣場）紀念梁凌杰的時候，我好強烈感覺到，啲抗爭者係好絕望。係愁雲慘霧。我到而家都覺得係。例如星期日的遊行，我又係覺得好嚴重嘅（絕望感），大家都唔知有咩可以做。」
何先生今日被警員截查時遭警員推撞，背部一度撞向欄杆。他參加示威除了為抗爭、為訴求，更是為了「救人」。而今天在被截查前，何先生正嘗試保護一名被噴中胡椒噴霧的失明社工。
「我最主要都係想警察唔好再拉到咁多人。有時我見到啲阿叔鬧得太犀利我就會叫佢唔好，想佢平息返啦，等佢地唔好咁容易出事啦。有時警察，我睇住好多次，就係佢係度挑釁啲市民。啲市民一鬧佢，佢就一係胡椒、一係的咗上去警車。我目的就......好聽啲講就係救人，即係大家降下溫啦。『鬧夠喇，走喇走喇』咁樣。」
除此以外，今時今日行出嚟抗爭，還有什麼用處？
記者在銅鑼灣遇上曾佔路遊行的石女士，當時她正中氣十足地大罵警員。「（遊行十分鐘就被警方攔截至四散）唔緊要架！咪繼續行囉，兜圈咁行！唔係點呀？我哋行街之嘛，鬧完就走，唔好企定定，唔好畀機會佢拉，（如被攔截）咪行去第二條街囉，再由第二條街行返嚟囉！」
「最緊要我哋有班人喺度，讓全世界睇到。唔駛同佢硬拼，但一定要出嚟。」
如不少受訪者所說，5.27 的抗爭雖然似乎沒有很明確的目標 — 畢竟建制派議員前一夜已留宿立法會，群眾根本無法阻止國歌法二讀進行；但從各區示威者的言談間，又不難聽到，他們今日仍然行出嚟的推動力：讓國際社會看見。
身處旺角的大學生杜小姐認為，今時今日在街頭抗爭仍有意義，「其實我哋出嚟，唔係做畀黑警睇，而家係做畀國際睇。」中環的銀髮族 Winson 索性向記者反覆強調：「特朗普對共匪的政策，遲啲一定會幫到年輕人，唔好做無謂犧牲，總之出來做和平抗爭已 OK；我哋而家要求美國佬制裁那班冚家產，凍結佢哋資產，趕哂佢祖宗十八代返大灣區就啱！」
記者下午在旺角與中四學生蔡同學傾談，她今天首日復課，一放學就跟同學來旺角。身穿校服的她，一直在人群裡觀望。「無話送唔送頭…但要畀國際睇到我哋係好驚國安法呢件事。」沒跟家人說自己會參與抗爭的她續道。「點解我哋仍企喺街頭，其實就係為咗咁。」
訪問後兩分鐘，警車突然駛至，人群馬上向後跑，當中包括蔡同學。「佢（警方）都已經濫捕，如果還不企出來，就真係驚一世。」
2020年5月27日，旺角，blackbloc 示威者
相關文章【5.27 示威】鄧炳強錄音讚同袍「好警察」 為港驅走黑暗、邁向光明行動果斷的濫捕亂世中的自處
原文連結
將近一年前，歷史性的 6 月 12 日的前一晚，是《逃犯條例》修訂草案恢復二讀的前夕。當時網民也發起留守及包圍立法會，也是「吹大雞」。當時的紛爭主要在於時間：6 月 11 晚出好？定 6 月 12 日早上出好？早上出，趕得切嗎？
一年後，紛爭已遠遠不僅限於時間。問題不是「出唔出得切」，而是「出唔出好」？
昨晚傳出消息指，警方將加強部署，嚴密佈防，將動用超過 3000 警力，採取「快刀斬亂麻」式的策略。接近深夜時分，又有消息指建制派議員已經漏夜返回議會，準備守到早上直接開會審議《國歌法》草案。
種種跡象顯示，集結金鐘似乎將是「死路一條」— 然而網上輿論未有呼籲「轉場」，反而向兩個極端走：「行動 post」仍然獲得迴響，但另一邊廂則有言論勸喻示威者不要「送頭」，留得青山在。
最後，到底誰在這種不確定的氛圍下走出來了？「527」和「612」這種「反二讀」的行動都是專屬於黎明時分的抗爭，必須趕在立法會開會之前「開波」。然而，今天早上，金鐘一帶除了有大批警員駐守以外，非常冷清。「曙光行動」死了嗎？還有誰會響應「曙光行動」？
今天出來的人，有沒有隱約抱著「重現 6.12」的期盼？今天早上示威力量薄弱、最終逾 360 人被捕的結局，是否意味著，反修例運動已迎來了一道難以越過的坎？
迷惘，但仍然出來的和理非
Matthew（化名）是中五生，停課近五個月以來，終於今天中午 12 點回歸校園。但在 12 點前，他先要做一件事。
「都係想回應一下國歌法。原本諗住同成班朋友去支持呢個活動，但我自己一個人在附近等（朋友）時被人截查，令到個心情亂咗。」Matthew 和記者對話時正值早上 9 時多。他剛在中環歷山大廈附近被警察截查，事後神色依然警惕而慌張。
「因為之前的活動，警力唔會咁深，但佢加重咗。而且我驚…佢隨時查你會覺得好恐慌，你見到佢濫暴咁猖狂，參加活動都擔心自己成為其中一個受害者。但唔嚟又對唔住自己，因為個活動想抗爭、想維護自由。」
Matthew 坦言現場的情況和他想像中有點出入，「金鐘附近八點幾九點都好似無乜人，所以有少少失望。」
這其實並非記者第一次看到 Matthew：早上大約六時許，在金鐘地鐵站月台，記者早就見過他。當時，Matthew 獨自佇立在交錯不斷的人流中，低頭按著電話，像是在等待什麼。527 早晨的金鐘、中環一帶就是充斥著和他行色相仿的年輕人：在空蕩的街道上或二人一組，或三人一組，似乎都正因為漫無目地遊走，而更顯得有所企圖。
同一時間，金鐘一帶大量警察佈防，幾近全面封鎖海富橋和中信橋，不停搜查行人，情況儼如戒嚴。
2020年5月27日，金鐘
約 8 時許，深知道在金鐘難以成事而「轉場」歷山大廈的，還有 Billy 和 John。他們同樣是響應 Telegram 頻道的號召，前往歷山大廈集合的時候，在大廈附近被警察截查及抄錄身分證資料。
被問及他們對今天的期望，他們坦言「有諗住（會似 6.12）」，但看見人流的疏落亦難掩失望之情。「其實好洩氣，好唔開心。好老實講，根本改變唔到啲乜。（朝早）見唔到人塞鐵囉，真係好灰……」
但時移勢易，面對警暴問題越趨嚴重、《國安法》頒行在即，二人明白現在出來示威的代價更大。「我會明白佢咃唔係想放棄，而係佢地會覺得，無謂送羊入虎口。我明點解佢哋會唔出嚟。」
又被抄低身分證，又不見「手足」，下次「吹雞」還會出來嗎？Billy 說，「咁又唔會（唔出），下次再睇下情況囉。我地唔會咁快放棄，相信我哋啲手足。講真我地仲有廿幾年時間。仲有啲手足係好團結的。」
* * *
訊息混亂 凝聚力下降？
Billy 和 John 雖對其他示威者有著無限諒解，但對早晨的行動結果也不禁無奈嘆道「（覺得）有少少伏。」
「尋日個（Telegram） group 搞到好亂，一時話呢度，一時話嗰度，一時話 cancel，又話『18 區開花』，而家又話『九龍開花』，未有結論。」早上 10 時許，連登、Telegram 一度傳出「1300 九龍大遊行」的消息，出 po 者形容由於港島區「十級重狗」，示威者應「轉場」去九龍。 結果記者準時到達旺角，又發現響應的市民寥寥可數。
約 10 時許在銅鑼灣 SOGO 附近被截查的 Oscar、Yorky 和 Charles 也感覺今日的活動組織及資訊有點混亂。Charles 指出，重點是行動目標不明確。
「好似話原本係想阻止（建制派）議員入去開會呀嘛，但其實已經佢哋入咗去開緊會，咁喺立法會附近嘅目的係乜嘢呢？目的性唔明確嘅時候，即係有啲混亂，我唔知想點。咁企喺度，咁同警察去對抗…即係嗰個目的唔明確嘅時候，我哋好唔知想點囉。」
被問及會否覺得行動失敗，Oscar 說，「某程度上嚟講，小小失敗囉。凝聚力冇 6.12 嗰時咁好囉。」
時間跳轉至早上 11 時，銅鑼灣希慎廣場內。人群開始在二、三樓聚集，往中庭靠攏，倚欄而站，儼然是「和你 SING」的陣式，卻沒有任何呼叫，人們行行企企，面面相覷。有些人似乎很早就起來，但如今又無所事事，於是伏在開放式店舖的桌椅上小睡。
「而家個心情......迷惘。」應屆 DSE 生畢同學（化名）這樣形容。她和另外三個朋友皆手持直傘，正躊躇著該待在二樓還是下去，但似乎兩者無太大分別。
剛考完 DSE 的小黑則認為，5.27 的情況和去年 6.12 很不一樣。「因為 6.12 係始終合法㗎嘛（編按：當時民陣申請在中信大廈外集會，獲發不反），好多人的心態可能係：我參加遊行示威係正常嘅，被捕的可能性比較低， 因為嗰時成個過程係合法㗎嘛，你冇乜嘢理由去拉我。而今次成個狀況唔同，你出得嚟，已經預咗係有機會俾人拉，風險相對會大啲，大家都可能因為呢樣嘢卻步。」
所以是氛圍問題？「冇錯，大家都已經開始有少少驚。」
小黑身旁的友人阿雪補充，「某程度上，（今日）少咗過去嗰種類似打仗的感覺，我覺得我哋呢場運動其實堅持到一年已經好勁。…因為政府係陰啲陰啲咁去做一啲野，而唔係去明刀明槍去做，變相好唔容易去深入人民的心底，令佢覺得：哦，依家就係製造緊恐怖，而唔係硬碰硬。」
小黑看著商場周圍開始聚集的人，「同埋覺得，今日出嚟嘅目的好似係有少少為做而做囉，好似冇乜目的性，大家都諗過想做一啲嘢，但係要實行係有啲難，同埋出嚟好似係有『送頭』嘅感覺囉。」
2020年5月27日，旺角
除了社會氛圍變得嚴峻，集結抗爭力量的資訊平台，似乎也是其中一個讓示威者感到無所適從的原因。提到由運動至今，在推展、醞釀抗爭行動路線中扮演著重要角色的討論區「連登」，有兩名受訪者皆分別提到討論區中的「分化」現象，似乎某程度上影響著如今示威的行動力。
John 語帶疲憊地說，「其實 11 月已開始係咁，（運動支持者之間）鬥到依家。有些人就將幾年前同對家的私人恩怨，擺上連登，搞到咁。既然大家都唔團結，咁不如咩囉…有少少唔開心嘅，雖然我一個人 call 唔到啲咩，但團結就是力量。但既然大家都散喇，其實都無辦法啦…當年雨傘運動都係咁，搞分化，唔團結，所以先失敗。」
「分化」指涉的是動機，或難以驗證；這兩天「連登」呈現的，至少是意見分歧。
縱觀 5.27 前夕的「連登」貼文，除了一開始「明天527全部出街」、「香城 ONLINE 527 添馬之戰」、「明天將與理大一役相當，成轉捩點」等一開始獲得不少迴響的「行動 post」以外，接近深夜時分，有不少考慮到警方執法將更嚴厲、勸諭示威者韜光養晦的貼文亦開始陸續出現，如「5.27 嘅行動就係唔好衝動」、「手足勿衝動，案底留一世」、「我諗咗好耐好耐，始終都係覺得 527 唔應該出嚟」等。後者所獲得的迴響更大，但直至早上，討論區中也未有可察覺的主流定案，與以往大型行動前的氣氛不盡相同。
今天也有到畢打街一帶聚集、經常在「放飯」時間參與中環「和你 lunch」的護士阿 A，在回答有關訊息混亂的問題時，也提到「連登」：「有些（post）話出，有些話唔出。其實各有各做都啱，鍾意出就出，但要保障自己先，而唔係好勇武一路衝。始終已經唔係一開始咁，所有人都喺條街度幫你，而家真係有些人唔敢出。保護自己是最重要。」
* * *
送頭？「明明是濫捕」
「好嬲，根本係亂嚟、亂拉！」大學生杜小姐在朗豪坊外向記者說。
時為下午 3 時許，約半小時前旺角有市民行出馬路，往尖沙咀方向走。未幾防暴警察到場。逾 60 人在砵蘭街朗豪坊外被截查，其中包括不少身穿校服、今天復課的中學生，警察要求眾人面壁。
過百市民在對面行人路圍觀，有人不斷向警察大喊「黑警」、「販冰兵」。杜小姐就在其中：「我一直喺度，望住佢哋被人拉……你睇（封鎖線）入面，好多都係學生，搜完書包，話拉就拉，（警察）無規矩可言，完全唔當法治係一回事。」
未幾，警方宣布，該批被圍堵的市民因涉非法集結被捕。被捕人士逐一登上警方旅遊巴士，當中包括穿校服的中學生。她們上車的一幕被鏡頭攝下，相片在網絡廣傳。不少人為之心痛。
2020年5月27日，旺角有中學生被捕
這只是 5.27 下午的冰山一角 — 稍早之前，警方在銅鑼灣希慎廣場外行人路拘捕數十人，指其參與未經批准集結，連同附近波斯富街一帶被截查後被捕的數十人，合共過百人被捕；其後銅鑼灣再有數百示威者成功從軒尼詩道突圍，佔領馬路往灣仔、金鐘方向邁進，但防暴警察隨即截擊，於灣仔警總外拘捕逾 50 人……警方最終宣布，今日逾 360 人被捕，根據資料，人數為 2020 年單日最高。
與龐大被捕人數形成強烈對比的，是示威者今日行動的威脅性。
環顧全日各區行動，除了旺角晚上有人燃燒路障，製造久違的火勢及零星爆炸聲響，其他示威者的行為基本上沒帶來太大威脅：幾乎沒人向警擲雜物，更遑論是磚頭、汽油彈；頂多是以雜物堵路，稍為堵塞交通；即使遊行，通常也只能走個十幾分鐘，走得最遠的是由銅鑼灣行到灣仔警總 — 然後卻被捕。
如此結果，似乎和事前不少人批評行動等同「送頭」的論調，不謀而合。
2020年5月27日，旺角
一聽到記者提起「送頭」二字，30 歲的 Kelvin 反應極大：「送乜尻嘢頭呀？」今日下午，他本在銅鑼灣希慎廣場內叫口號，其後有示威者走出馬路，他跟在大後方，結果最前面的人被圍堵拘捕，他則繼續留在周圍努力拍攝被捕者的樣貌，再上載到 Telegram 的被捕者支援群組，「影到相就影，影唔到相就拍片，記低車牌，幫得幾多就幾多…」
Kelvin 自知也走得不前，但他認為要尊重每個抗爭者的選擇，「出嚟行，願意付出幾多是他們的選擇，大家都係咁樣做。點解唔落場那班可以話人送頭？…我只可以話，出來的人是為香港好，你估佢哋真係諗住被人拉咩。點解要話人哋『送頭』呢？」
他愈說愈氣，「到佢哋真係被人拉咗，我哋要諗嘅，點解唔係點樣令少啲人被捕，而係笑尻佢哋『送頭』，係咪 on9？」
一如過去一年每一個抗爭日子，連登的風向全日也在變。下午起，討論區出現大量聲討「送頭論」的帖子，其中一帖有過千正評，樓主這樣寫：「響鬧市圈起百幾人拉曬，明明係濫捕，送乜撚野頭？」
如果一直「打唔起」，點算？
相比起港島一帶「黎明行動」的挫敗，今日中環的示威活動似乎是疫情以來士氣較為高漲的一次。 護士阿 A 說，觀察到「和你 lunch」的低潮始於疫情，人們是這幾天才重新出來示威。
另一位經常參與「和你 lunch」的電腦業人員何先生亦有類似看法。「我覺得疫症完了（按：應該是指緩和）之後（士氣開始低落）。因為用限聚令呢招真係無敵㗎嘛。商場全部衝晒入去咁樣。」他又指「我驚聽日都係咁。大家明啦，國安法。」
據記者觀察，今日的確有數百名市民集結於「和你 lunch」的核心地帶畢打街，與該地帶近月的其他示威情況相比，民情確實較洶湧，但聚集各處的人群亦很快遭警員以武力驅散，後未有重組。
2020年5月27日，中環
追求民主的心再強，是否也難戰勝病毒和時間的消耗？何先生卻不認同運動是「沉寂」，而是有另一種情緒在湧動。
「自從兩個禮拜前在 PP（太古廣場）紀念梁凌杰的時候，我好強烈感覺到，啲抗爭者係好絕望。係愁雲慘霧。我到而家都覺得係。例如星期日的遊行，我又係覺得好嚴重嘅（絕望感），大家都唔知有咩可以做。」
何先生今日被警員截查時遭警員推撞，背部一度撞向欄杆。他參加示威除了為抗爭、為訴求，更是為了「救人」。而今天在被截查前，何先生正嘗試保護一名被噴中胡椒噴霧的失明社工。
「我最主要都係想警察唔好再拉到咁多人。有時我見到啲阿叔鬧得太犀利我就會叫佢唔好，想佢平息返啦，等佢地唔好咁容易出事啦。有時警察，我睇住好多次，就係佢係度挑釁啲市民。啲市民一鬧佢，佢就一係胡椒、一係的咗上去警車。我目的就......好聽啲講就係救人，即係大家降下溫啦。『鬧夠喇，走喇走喇』咁樣。」
除此以外，今時今日行出嚟抗爭，還有什麼用處？
記者在銅鑼灣遇上曾佔路遊行的石女士，當時她正中氣十足地大罵警員。「（遊行十分鐘就被警方攔截至四散）唔緊要架！咪繼續行囉，兜圈咁行！唔係點呀？我哋行街之嘛，鬧完就走，唔好企定定，唔好畀機會佢拉，（如被攔截）咪行去第二條街囉，再由第二條街行返嚟囉！」
「最緊要我哋有班人喺度，讓全世界睇到。唔駛同佢硬拼，但一定要出嚟。」
如不少受訪者所說，5.27 的抗爭雖然似乎沒有很明確的目標 — 畢竟建制派議員前一夜已留宿立法會，群眾根本無法阻止國歌法二讀進行；但從各區示威者的言談間，又不難聽到，他們今日仍然行出嚟的推動力：讓國際社會看見。
身處旺角的大學生杜小姐認為，今時今日在街頭抗爭仍有意義，「其實我哋出嚟，唔係做畀黑警睇，而家係做畀國際睇。」中環的銀髮族 Winson 索性向記者反覆強調：「特朗普對共匪的政策，遲啲一定會幫到年輕人，唔好做無謂犧牲，總之出來做和平抗爭已 OK；我哋而家要求美國佬制裁那班冚家產，凍結佢哋資產，趕哂佢祖宗十八代返大灣區就啱！」
記者下午在旺角與中四學生蔡同學傾談，她今天首日復課，一放學就跟同學來旺角。身穿校服的她，一直在人群裡觀望。「無話送唔送頭…但要畀國際睇到我哋係好驚國安法呢件事。」沒跟家人說自己會參與抗爭的她續道。「點解我哋仍企喺街頭，其實就係為咗咁。」
訪問後兩分鐘，警車突然駛至，人群馬上向後跑，當中包括蔡同學。「佢（警方）都已經濫捕，如果還不企出來，就真係驚一世。」
2020年5月27日，旺角，blackbloc 示威者
相關文章【5.27 示威】鄧炳強錄音讚同袍「好警察」 為港驅走黑暗、邁向光明行動果斷的濫捕亂世中的自處
原文連結
from 港文集 http://hktext.blogspot.com/2020/05/527-612-632.html
