「博訊」2011-12-20 汕头海门民众拦截高速公路 抗议再建发电厂
更是整個群眾運動有擴散蹟象, 加上汪洋呢條硬膠霸王硬上弓推行「廢粵推普」, 今晚更傳出深圳大學發起聲援烏坎嘅集會
根本整個廣東省周圍都係火頭
大陸局勢變化來得相當急促, 急到在下同一班朋友「口都啞埋」
姑且就讓在下囂張一次, 我哋一直留意住事態發展同做形勢分析都有咁嘅反應, 可想而知形勢變化真係好嚇人
順帶從戰略角度分析, 深汕高速被堵阻礙駐扎漳州的部隊調動, 這就削弱了對廣東採取武力的能力
粵東的地形, 從潮汕向內陸走向揭陽、梅州市, 再走向江西贑州都是山區的天然屏障, 結論當然係粵東有排搞。
再者, 大陸的新聞封鎖出晒名, 有無其他地方有群眾事件實在無從得知。
即係話大陸到底有幾亂, 根本無法證實。
睇返目前香港社會對內地局勢變化的反應, 實在靜得有點過份
當然, 可能普遍認為我哋不過是庸人自擾。但事實到底係乜嘢一回事, 相信大家都清楚的了
但在下和友好們再作思考, 發現我哋可作分析的消息來源, 絕大部份都不是本地傳媒, 而係外國傳媒或是從網上
這或者可以解釋到為何香港市民對大陸局勢變化的反應是如此冷清
大陸同周邊地區局勢變化對香港有乜影響, 在下响呢幾日都寫過了, 嫌未夠深入詳盡可看看黃世澤兄的網誌
問題就係大陸局勢變化可以會對香港構成極大的影響, 但香港嘅傳媒都普遍地低調處理這些新聞
敢問各大傳媒負責人, 到底你哋係為香港市民服務, 定為是為中共服務?
係咪為求保住「阿爺」而低調報道, 而不顧身為香港嘅傳媒, 而對香港市民福祉負責呢
依家十居其九香港人對香港可能出現的局勢變化毫無準備, 又無法循媒體得到足夠的資訊
要是大陸局勢急轉直下, 而影響到香港出現巨變
在普遍市民未有得到足夠資訊而無充分準備, 搞到成個香港亂晒籠的話, 你們該當何罪?!
不過, 在下都知袁x偉、何x國、張x波, etc 啋你都有味架啦
咁就此刻立此存照。他日香港有乜亂子發生就拎出嚟同佢哋追數!!!
後記：
回想70年前嘅今日, 日軍在黃泥浦峽、渣甸山山腰地帶與英軍進行激戰, 但據點逐一被日軍攻破同佔領
當日下午, 日軍分兵取下紫羅蘭山, 包圍淺水灣, 圍攻淺水灣酒店之餘另一面進擊深水灣區, 並準備攻入赤柱半島
香港人依家只顧住繼續準備揈錢過聖誕, 對大陸依家嘅局勢不聞不問, 真係祝你哋好運。
如果想鬧我哋係咁講大陸點亂法好撚煩, 唔該你哋回想返下70年前嘅香港人到底係有心情去玩, 定係驚到標尿。
依家唔係話解放軍會攻入香港屠城, 而係中共政權有乜冬瓜豆腐的話.........
你哋可以繼續唔理, 扮無知, 時運高, 無事發生。但變天嘅一刻, 你哋唔好响度喊、怨, 或者問：發生乜嘢事呀?!
延伸閱讀
大亂的話, 香港點算?
區選舞弊與香港前途
應該正式宣佈《中英聯合聲明》失效
中、英雙方唔該找數
英國佬咪諗住走數 (加映David Cameron vs Neville Chamberlain)
十四年了，還要忍受下去？
仲唔廢除中英聯合聲明做乜呀
一國兩制根本從無落實過
黃世澤 - 潮汕巨變
金正日瓜柴
香港正向1965年嘅新加坡進發？
香港人依家要為好快出現嘅大亂作出準備
唔同中國割蓆都唔得喇
一旦中國失控嘅準備
返回主頁
from 巴士佬 - 揸巴士? http://robustorlo.blogspot.com/2011/12/blog-post_20.html
