親愛的朋友家人
我想公開我自己的遺書。
我是一名急症室醫生。我今日寫定遺書，因為我眼見政府的無能及遲鈍，疫災如箭在弦 一觸即發。他們很可能已經釀成第二次SARS災難。
對唔住各位。急症室唔可能完全罷工。道德枷鎖最重就在急症室醫生的手上。我仍舊會返工。我仍舊會有危險。最後死亡後仍舊係被當作condom。我選擇得做急症室醫生我就預咗有危險。核意外、疫症、天災人禍，急症室醫護永遠不會後退。
呢幾日同同事傾開計。知道當年沙士好多醫務人員感染而死，老一輩為年輕醫生甚為緊張。大家都從嗰種悲痛走出來。以為事過境遷，社會會進步。誰不知所羅門所言甚是：「日光之下無新事。」昔日就老慒董，今日有老柒婆。全部高官都堅持香港人要為國捐軀，沒有國就沒有港。重演歷史，莫視疫症蔓延的問題。
其實一切封關、禁入境、減人流的措施都做得太遲。
醫護人員罷工太過慢。
防疫中心跟唔上疫情的快速發展。指引早已失效，卻叫醫護要跟指引辦事。道道防線都把唔到關，災難預咗一定會發生。
早幾日我哋見唔少不明肺炎的病人留院，自己都驚埋一份。醫院無足夠的床位比醫護隔離，不少同事已經book定酒店自我隔離。呢啲錢我哋都冇計較，因為我哋都知佢哋一定唔會重視我哋家人既性命。唯有自己蝕抵。
我呢一刻覺得政見已經唔重要。我支持光復香港，時代革命。我支持五大訴求。但我希望，我希望我自己仲有命見到香港光復既一日。就算我唔到都希望大家係煲底為我開心。我只係有幾樣野想同家人、朋友、我愛既人講。
爸爸，雖然我哋政見唔同，成日要頂咀鬧交。對唔住，我官唔想咁樣。呢個社會、呢個政府，就係要大家家無寧日。黃藍是政見，父母是血緣。我希望大家一家人，以後仲可以一齊去日本旅行，一泊二食。雖然我真係好悶，不過你哋開心都令我好開心。如果我去左，政府可能都唔會養得起你地要節省少少洗錢。
媽媽，對唔住。我上次發脾氣話你擅自清理我間房。我間房係好多文件唔得閒睇，係比較煩。但係我真係好多重要野係到，包括醫生牌照。知道你一定係睇唔過眼。別怕，如果我走咗，你可以儘情地收拾佢，收拾得乾乾淨淨，一塵不染。
中同們。我好多謝大家畢業咁耐都會一齊聚會，而且大家都冇乜嫌隙。對唔住我成為咗醫生之後都冇辦法幫你地射波:stuck_out_tongue:希望唔好怪我成日唔覆機，因為我真係好攰同冇精神去睇咁多野。好希望大家仍有機會見面。
我的愛人。我知道你就快去旅行好開心。我希望你玩得開心啲。雖然我哋未正式一齊，你都仲掛住舊嗰個。你上次話仲想等佢，但係明明佢都話唔同你一齊要搵第二個。我愛你。我希望如果我真係死左，你唔好太自責冇同我一齊。唔好轉頭搵佢啦，搵另一個更愛你既人啦。
我愛你。我發誓不說謊。我真的愛你。
T醫生。
2020-2-3
from 連登 https://lihkg.com/thread/1860210/page/1
