「喂 Eric，下星期得唔得閒出黎食個飯，同我地成班舊同學聚一聚呀」
「Sorry 呀我諗我黎唔到喇，我呢排公司好多野做，好忙呀」
又一次推掉舊同學的聚會，Eric 也很不好意思，但奈何OＴ太多，勉強參加的話 Eric 怕來到時大家已吃完。
「呢份文件急住要架，Eric 你做埋先好收工呀」
「唉！又要我 OＴ，今日又唔知幾點先收得工喇」
每日帶著早已被工作摧殘了的靈魂，根本沒有精力出去飲飲食食，只想趕快回家倒頭大睡。
以前的年代，說自己工作很忙的人，通常都是高薪厚職，或者公司裡的高層、管理層。但今時今日的香港，「我好忙」卻更多是出自於一般打工仔的口中。香港打工仔每年工作 2600 小時，屬全球最苦命，比法國人每年多工作 1000 小時，即平均每天多 4 小時。工時長，但薪水少，這是現今香港社會新興的「窮忙族」。我很忙，但我很窮。當多勞不再等於多得，我們還憑甚麼去教育下一代「一分耕耘，一分收穫」？
「見你執好哂野咁，你想放工喇？做咩咁準時放工呀？你好得閒咩？」
連續 OＴ了幾個星期，Eric 這天想準時少少回家，本已是偷雞摸狗地走出辦公室，卻依然被老闆抓住了。
「上次又話個 project 做唔切，咁你仲準時放工？開多幾日 OＴ啦！再唔係就 weekend 係屋企做」
讓你休息，是公司對你的體恤。本來週末放假也不想出街，只想留在家裡的 Eric，看來得不到體恤了。
「唉！連 weekend 都唔放過我」
作為職場食物鏈的低層，Eric 只能硬食。出來工作後，才知道有錢也未必買到「自然醒」，而重點是，你根本沒有錢。十優港姐以前做實習記者時，準時放工都被人評價為「做野麻麻地」，Eric 這種凡夫俗子，OＴ這麼小的事情都不願承受，簡直是廢青中的廢青。
「吓！3%？」
「加人工 3% 已經好好架啦。後生仔，最緊要係知足，唔好成日都好高騖遠，蝕底一下無壞既」
拿著加薪通知書，看著老闆覺得皇恩浩蕩的 3% 加薪幅度，再看看今年加價 7% 的地鐵，升了 12% 的樓價、租金，Eric 真蝕底了「一下」。慶幸的是外傭的工資今年才加 2.5%，原來自己的待遇還是比外傭好。
「Hi Eric，咁橋既」
這晚，OT到十點鐘才放工的 Eric 碰到了舊同事阿 Ben。
「係囉，阿 Ben，咁橋係度撞到你既」
「我頭先同女朋友係附近食飯，啱啱食完，依家準備返屋企。你呢？仲係咁夜收工呀？」
「係呀，我啱啱先收工，你近排點呀，係新公司做得ＯＫ嗎」
「普普通通啦，不過都係好過之前個間既」
阿 Ben 指的「之前個間」，正是 Eric 現在做的這間公司。想起以前與阿 Ben 共事的日子，Eric 更顯落寞。
「Eric，其實間間公司都係咁衰，如其係咁，點解唔轉去間人工高啲既公司呢？起碼OＴ、受氣都值得啲」
以前覺得阿 Ben 不踏實、走精面，整天想著跳槽轉工，但這一刻，Eric 卻覺得阿 Ben 才是最聰明的，起碼他清楚這社會的遊戲規則，而自己卻傻傻的繼續留下來。每日十幾小時的付出，換來的卻是「你要知足」、「開 OＴ係你應份既」，Eric 開始思考以後的路。
「爸，媽，我返黎啦」
回到家已是晚上十一點，父母早已入睡。Eric 在桌上拿起冷掉的飯菜，放到微波爐裡叮。
「晚晚返到屋企，都係得我一個食飯，唉！」
每天為五斗米而折腰，見到老闆就想講「福腰」，身心疲倦的 Eric 曾經幾次有想辭職的衝動，拋開一切去個旅行，休息一陣後再作打算。但每次望見快將退休，頭髮漸白的父母，Eric 只好吞聲忍氣，繼續撐下去。
「捱下去 連上帝亦也許沒法攙扶」
戴上耳機，聽著張敬軒的《笑忘書》，吃著剛剛叮完的飯菜，Eric 在想自己的狀況。基層家庭，沒有父幹。雙親漸老，自己又要儲錢買樓結婚，Eric 唯一可做的就是死慳死抵，咬緊牙關。想起那天與女朋友在地產代理門外，見到那些三十年樓齡，面積四百呎，售價六百萬，標榜為「窮人恩物」的樓盤。
「呢啲樓都值六百萬，睇黎依家啲窮人都幾有錢」
而這些單位，已是全區最便宜的。看著樓價，看著兩老，再看看紅簿仔，Eric 看不到希望，看不到將來。
「辭職？你揾到新工啦？」
可能是受到舊同事阿 Ben 的啟發，Eric 終於都決定離開這公司。回想起入職以來不斷增加的工作量，變本加厲的無償加班，還有老闆那副「打工仔開OＴ無補水係應份」的嘴臉，Eric 更覺得現在才走已算遲了。
「你啲後生仔，成日轉工！做人要腳踏實地，唔好成日諗住要高人工」
遞了辭職信後，Eric 整個人輕了一口氣，有種「甩難」的感覺。這一刻，Eric 已聽不進老闆任何的話。
「Welcome，Eric」
這天，Eric 來到了新公司。雖然聽說過這間公司待遇幾好，老闆也是慷慨之人，但 Eric 並沒有對這份新工作懷有太大期望。畢竟已工作多年，不會像剛畢業時那樣對工作充滿美好的幻想。工作越久，越磨滅鬥志。Eric 深明獅子山精神是甚麼一回事，他現在唯一的小小心願，就是放工後可以趕得及回家，陪爸媽食晚飯。
原文連結
from 港文集 http://hktext.blogspot.com/2015/10/hong-kong.html
