1. 政府建議興建一條行人天橋連接圓方同西九文化區，有傳媒指最終造價將會超過五億。公眾不滿造價太貴，政府解釋話施工地點有難度。其實要起行人天橋，無非是要處理西九的出入交通問題，何不 think outside the box ，思考用同樣的價錢，換另一個更全面的解決方法：無人駕駛電動小巴。
2. 西九本來就已經有打算提供環保運輸系統方便訪客。剛好近年來無人駕駛和電動汽車的技術發展迅速，不少城市已經在實驗無人駕駛電動小巴，例如瑞士洛桑、美國拉斯維加斯、英國倫敦等等，法國里昂更已經有首個投入乘客服務的項目。以里昂為例，每架小巴可坐 15 人，全自動化，自己識得埋站開車，沿路避開途人。這種模式放在一些大型園區（如西九）更有優勢，因為可預先安排專用路線，無需和其他道路使用者爭路。可以想像，要發展成 24 小時 on-demand 模式運作，應該相當容易。
3. 政府建議的西九行人天橋，沒有在立法會文件中說明預計流量。不過橋面只得七米（窄過兩條行車線），相信預計流量十分有限。要替代這個功能，大可以直接設一條無人駕駛電動小巴線，由九龍站出口直駁M＋門口，旅客一步路都都唔洗行，方便過上完天橋又要落天橋。
4. 英國傳媒報道指里昂的無人駕駛電動小巴要17萬英鎊，即港紙169萬。攞起天橋的5億來買小巴，可以買300架（未計買咁多怕且有折）。西九當然用不了300架小巴（成個香港十八區都係得4350架小巴，真係買300架的話行晒成個油尖旺都仲得）。當你買夠100架，已經嚴重地誇張得好緊要，西九大劇院散場都一次過坐得晒。買車用1億幾，淨返3億幾用來做維修保養基金，已經可以運作好多年，仲未計車身可以賣廣告，之餘此類。
5. 同樣洗5億，政府就起一條政府自己都唔講有幾多人用的行人天橋，而且只係連接整個西九的其中一段。轉買無人駕駛電動小巴，可以覆蓋成個西九，由戲曲中心到M＋到大公園再到故宮都得，效益高好多。
6. 以上建議，無非想拋磚引玉，迫一迫政府唔好當立法會係提款機。各位尊貴議員，麻煩最起碼問兩點：1) 到底政府預計條天橋每日有幾多人行（警告你唔好報大數，你條橋只得七米闊）；2) 要處理這個人流數量，有什麼其他的替代方案。
原文連結
from 港文集 http://hktext.blogspot.com/2017/04/586.html
