香港電台 2011-09-04 HKT 16:26 維 基 解 密 透 露 中 央 不 同 意 取 消 區 議 會 委 任 制
區議會委任制就係想保留中共可以安插「親信」制衡泛民的勢力, 避免擴張而影響中共對香港的控制。
至於曾蔭權表示「香 港 稅 基 太 狹 窄 ， 最 大 恐 懼 是 無 納 稅 的 大 多 數 ， 會 主 宰 了 納 稅 人 。」除咗係超級極度硬膠之外, 亦都可能反映佢無奈要幫中共制止07/08雙普選而隨便搵個藉口；但更可能係中共為了保住在香港的利益而授意佢咁樣講。但無論如何, 都證明中共只想透過對香港的管治, 從統戰商賈而撈盡利益, 這是相對確實可以作出的定論。
另一份電文指出, 中共警告美國唔好再對香港的政制發展「阿支阿咗」。但同時對於2017年或之前能否落實雙普選採取曖昧嘅態度
香港電台 2011-09-04 HKT 18:23 維 基 解 密 稱 北 京 促 美 小 心 處 理 香 港 普 選 問 題
由此可以反映出, 基本法附件三所指的「07/08可以雙普選」就是在換弄文字遊戲 ── 「可以」唔等於「一定」或者「實施」, 即係「中共玩晒」。咁亦解釋得到點解07/08之後就2012, 然後又2017, 甚至只會係繼續落去。
即係話基本法如何實施都只係中共的意志, 中英聯合聲明所訂明的「港人治港, 高度自治」都只係廢話連篇, 根本只係中共基於其本身政治利益考慮而對香港作出管治。這也解釋得到過去14年來不斷插手香港的內部事務, 並透過港共不斷強調「一國」必須大於「兩制」的意識形態。
事到如今已經足以證明, 中共沒有遵守、甚至可謂違反中英聯合聲明的條款, 咁即係同廢紙一張有乜分別呢?
但如果呢份國際協議被宣告廢除, 或者裁定失效的話, 英國就需要對香港承擔政治和法律責任。最低限度就要啟動2009年國藉法修訂案, 給予約300萬BN(O)香港人成為 British Citizen 的國藉地位。呢個亦係英國過去唔敢對中共的所作所為作出直接行動嘅原因之一。
但是香港人現階段也只能無奈地繼續俾中共欺負, 因為沒有HOUSE OF COMMON 投票權, 下議院亦都無人會得閒睬你。
上書英女皇得唔得? 在下真係清楚, 只係知道英國國皇只係一個象徵性國家元首, 除非議會、首相無法運作, 否則係唔會介入管治。
因為中英談判展開之前, 香港唔似直布羅陀咁有進行公投 (繼續做「殖民地走狗」定回歸西班牙), 所以香港人唯有繼續等同埋忍下先, 真係無計。
延伸閱讀
李少光, 唔該俾個合理解釋 (一係廢除《中英聯合聲明》)
香港已經淪落為中共之下的一個城市
一國兩制根本從無落實過
香港一去不返?
大江西去, 亂局之始
香港人的身份認同
返回主頁
on 巴士佬 - 揸巴士?: http://robustorlo.blogspot.com/2011/09/blog-post_04.html
