8 月 25 日，一隊示威者先破壞荃灣二陂坊麻雀館，再用鐵枝打碎警車玻璃，插傷警車車長背部，引發警員向天打響反送中運動第一槍實彈，他們後來以「屠龍小隊」之名為人所知。兩個多月過去，「屠龍小隊」仍舊活躍最前線：10 月 2 日聲援中槍中學生集會期間，新界南警察總部被掟汽油彈；10 月 13 日凌晨，旺角警署被掟火雨 — 數十枝汽油彈持續擲向警署大門；10 月 20 日，示威者登上尖沙咀警署外的樓梯，將汽油彈掟入閘內。
這些，全部都是「屠龍小隊」的行動。「火係一個好好嘅象徵，升級嘅象徵。」兩個多月首次向外界揭露身份的屠龍小隊領軍人物 George（化名），再次現身，但有別於此前對抗爭前景滿抱樂觀，今天的他展現的，更多是困惑，「主流示威者同風向係失去焦點，行動無咗焦點同意義。」
指「裝修」美心作用不大 不參與「私了」
George 認為，近月不少前線的行動，開始變得「漫無目的」，例如設置路障之後，又開路讓車輛通行，「我尊重佢哋嘅行動，但我覺得意義真係不大。」近日全港各處上演的「裝修」，屠龍小隊一開始都有參與，例如在中資銀行倒汽油放火，但 George 認為近日的「裝修」，更多已經變成情緒宣洩，「中資銀行、福建幫 360（優品 360）呢啲，我覺得 OK，但後期美心、Starbucks，我唔係話反對，但我覺得個作用不大。」
作用，George 一直反覆強調這兩個字，就是行動要有成效，能針對警方、或增加政府管治成本，所以難以置信又合乎情理地，一直在前線和警方肉搏的「屠龍小隊」，至今都沒有參與過任何「私了」，「我希望手足，可以將情緒發洩係政權、警隊，而唔係所謂藍絲、廢老。」是否因為「私了」會被割蓆失分？「唔係，我個目標一定要政權回應訴求，任何行動去令政權管治成本增加。」George 一頓後續道，「而打藍絲，應該唔會。」
抗爭的精力，轉移了去設路障、裝修、私了，都不是最令 George 無奈之處，最令他失望的，是發現前線愈來愈多，在他眼中只是「半桶水」的勇武抗爭者，「我哋會形容呢班人，叫偽勇武或者童子軍。」
「童子軍」動輒「雞飛狗走」
George 形容，這類「勇武」經常在進與退間拉鋸猶疑，即使「Full Gear」上前線，只要一知道有警車，或警方發催淚彈，就會「雞飛狗走」，「我地前線勇武唔係出嚟練跑，真係要做野」。
他表示自己曾多次親身經歷，在前線呼籲人向前，「唔應該防守，而係主動衝擊」，但和應者寥寥，多次因為「進」還是「退」，和其他前線爭坳甚至肢體衝突，「好似無咗六、七月嗰份凝聚力。」
連在抗爭現場愈發常見的「火魔法」，在 George 眼中都有很多「半桶水」的情況，「個個都係用嚟裝修同燒死物」；曾多次向警署、警車掉汽油彈的 George 指，警方的截查和拘捕愈發嚴謹，要成功製作和將「火魔法」運送到現場，成本愈來愈高，所以他無法理解，為何會有人用「火魔法」來燒路障雜物，甚至無故掟向地面，浪費「難能可貴」的珍貴資源，「唔應該用嚟燒死物，或者掉落地。」
不滿浪費汽油彈
George 邊搖頭邊說，如他們般「敢玩」火魔法：將汽油彈直接掟向警署、警車，只是極少數，事實上，在抗爭前線，大部份汽油彈結果都落在路障、雜物、或柏油路上，「你一做就做到底，一係就唔好做，半桶水反而令人覺得，唔知你做緊咩。」
「唔知你做緊咩」，或許頗能代表，部份參與者對近日抗爭狀況的觀感，特別自 8 月底起，港鐵開始在遊行示威前，局部停止服務，而後續針對港鐵的破壞，更令港鐵服務動輒就停止，至今仍每日提早收車，不曾全面回復服務；而警方就一而再禁止遊行以至集會，甚至腰斬有不反對通知書的活動；政府則在 10 月 4 日訂立禁蒙面法，為警方執法帶來更多便利，上述種種手段，令運動之初的百萬人集會遊行，幾近絕跡。
「好多和理非嘅人，唔出嚟，或者好少出嚟，我覺得現階段已經無可能組織到好大型嘅遊行。」
「唯有武力再升級」
大型和理非集會消失，取而代之是更多野貓式的零散的衝突，代價是每個周末數十以至數百人被捕，而這些行動對政府帶來的衝擊和困擾，亦逐漸消減，「邊際回報」愈來愈低，「唯一出路，一係真罷工，一係真暴動，但兩者而家香港都做唔到。」
「所以唯有升級，武力再升級。」
George 拒絕透露，他口中的「再升級」意指甚麼，但他認為升級，已經別無選擇，「否則會好似雨傘咁，慢慢消退消亡，愈來愈無人，走嘅走，拉嘅拉。」
再升級，似乎既是策略，亦有必須做點甚麼的無奈在其中。作為屠龍小隊的領頭人，George 和其他勇武小隊私下有保持聯絡，以 George 所知，隨著抗爭人數下滑，愈來愈多警方眼中的「核心暴徒」被捕，不少小隊因而解散。而「屠龍小隊」即使憑「快閃」特質，至今沒有人被捕，但小隊人數亦由開初的 20 多人，減少到現時的 10 多人，除了出現「逃兵」，亦有人因違反紀律而除名，「例如遲到，你搞革命點可以遲到」。
眾籌 攬炒
被捕的人愈來愈多，抗爭的成效下降，運動無疑走到樽頸，而留下來的，亦有煩惱，就是資源短缺。George 早已辭去工作，過去 5 個月靠數萬積蓄過活和「買文具」，禁蒙面法生效後幾乎每次行動後都要「棄裝」再添置，本來的「老本」已見底，屠龍小隊近日甚至要公開眾籌 — 一個極少出現在前線抗爭者間的行為，目的只為繼續抗爭甚至再升級，「如果政府依然唔回應訴求，終極目標係攬炒。」
算得上勇武派中最勇武的一群，George 亦直接承認，示威者一直在打一場贏不了的仗，「一開始已經知輸梗，邊有可能打得贏共產黨。」自言是在「搞革命」的 George 亦很清楚，在震天價響的「光復香港、時代革命」的口號下，社會主流其實並沒有「搞革命」的心理準備，真的要「革命」— 推翻政權，無論在心之心態上、配備上，在香港都近乎癡人說夢。
「唔好話推翻政權，淨係推翻警隊已經無可能，其實我地呢班人，唔使話共產黨，喺警隊眼中，都係小朋友玩泥沙。」
退縮不是選項、戰勝又不可能，邏緝的結論，可能只有一個，「最理想，同最唔理想嘅局面，就係攬炒，係我哋唯一可以做到嘅嘢。」至少在結論上，屠龍小隊和不少勇武以至和理非，其實並無太大差異。
（本報道相關採訪紀錄在文章刊出後全部銷毁）
原文連結
from 港文集 http://hktext.blogspot.com/2019/11/799.html
