香港天下大亂隨時一觸即發到
維基解密解到去北京對落實香港普選採取拖得就之餘, 更爆出曾鈓成、北極企鵝張國鈞同李慧琼認為應該讓香港落實雙普選, 但要等北京指示才敢向公眾表態。成件事最大鑊係個電文內容爆出來的爆料人正是「中共在港代理人」── 民建聯。基本上已經搞到中共响香港乜顏面都無晒, 而且因為底牌被揭, 中共勢難再對香港作出「有效」管治。
因為中共的「善良面具」已被撕破, 接下來可能會發生的事會相當之恐怖, 即係「反正都搲爛塊面咪同你打爛仔交」囉
加上民建聯的「內部矛盾」也給曝光, 黨內各派之間的鬥爭相信會陸續浮面, 而且工聯會也可能因中共的因素而會被捲入漩渦之下, 香港從始會正式進入一個亂世時期。
1967年周街「菠蘿」的情況會否重現, 在下還是抱觀望態度, 但有些事卻是有蹟可尋。
先講梁家榮辭職嘅問題
香港電台 2011-09-05 HKT 21:05 梁 家 榮 稱 無 法 阻 誤 報 江 澤 民 死 訊 引 咎 辭 職
表面睇就係梁家榮同譚衛兒承擔責任, 但梁的辭職聲明中的 「無法阻止」, 即係有人夾硬要亞視新聞部咁做。呢個人到底係邊個唔係最重要, 而係梁的離任表示著「死」VS 「未死」形成的鬥爭已經去到無法擺平嘅局面, 進一步確定香港就係中共權鬥嘅其中一個核心戰場。
第二, 對於日前替補基制响尖東科學館舉行所謂咨詢會的秩序混亂、衝突事件, 曾偉雄、曾蔭權, 同埋建制派都出動「強力雙TURBO抽水機」, 務求借勢去把李克強訪港對警方和曾偉雄的威脅進行清洗之餘, 更是要將反建制的一方盡量打壓, 以利日後建造更有利官府的輿論。
(在下順便給好些政團一個說明, 有勇要有謀, 不要同被收編的傳媒一齊傻, 無意思的。要緊記, 最重要是讓市民得到清楚而正確的訊息。)
第三, 工聯會屬下的護衛及物業管理從業員總會建議保安員配備警棍, 加強保護
商業電台 (雅虎新聞) – 2011-9-5 HKT16:52
其實, 呢個係一個非常之極度賤格到無輪嘅事：
因為响目前法例下, 保安員係不容許配備武器或使用武力 (解款員係槍牌)。如果當日科學館現場照足工聯會個建議, 班保安員就會先衰「藏有攻擊性武器」, 跟住响衝突場面當中, 就會衰「普通襲擊」甚至簡稱AOABH 的傷人罪。
在場嘅差佬就爽囉, 示威者又唔駛佢地去對付, 只係需要「塔」晒兩邊返去就乾手淨腳, 「畸士」數仲DOUBLE 咗添。
可見工聯會呢個IDEA, 根本係借出賣保安從業員而造就警方的權威。足以證明, 工聯會呢個中共駐港代表機構已經出現變質。
再翻查近年的工人權益事件, 例如專利巴士司機等爭取加薪, 看來工聯會已經將工人權益擺咗唔知响邊, 甚至從呢單新聞去睇, 佢哋有可能只係想借工會平台所集結的人力, 去圖謀一啲損人不利己、甚至係破壞香港的事。
以中共「用得就用、用完就掉」嘅本質去睇, 呢個可能性係絕對唔能夠排除的。要是再仔細了解一下1967年暴動的歷史, 就知在下的推論未必錯得晒
所以, 大家無論如何一定要呼籲從事保安的朋友, 點都唔可以贊成甚至執行呢一個建議, 因為到發現俾工賊利用咗之後, 應該都已經觸犯官非。
大亂的確隨時出現, 危險之處大家也該開始看到吧。只期望做事沒有底線暴徒群還未真正「儲足能量」就給掃平
但1962年新加坡公投後李光耀掃平馬共也不過是天時造就, 那便希望上天還會眷顧香港吧。
延伸閱讀
搗亂? 衝突? 真係咁簡單?
李少光, 唔該俾個合理解釋 (一係廢除《中英聯合聲明》)
香港人, 仲唔識醒就準備送死
香港依家好危險
大江西去, 亂局之始
黃世澤 - 愛護香港力量根本就係工聯會搞出嚟嘅屎
保安員配備警棍？好！
西九肥醫生 - 香港大崩解主題曲
返回主頁
on 巴士佬 - 揸巴士?: http://robustorlo.blogspot.com/2011/09/blog-post_06.html
