雖然喺管制走私奶粉問題上，我同練乙錚主張嘅方法係南轅北轍，但練老以加泰隆尼亞獨立問題，並比照香港情況嘅文章，我認為係大家必讀，再併合小弟喺2010年7月同樣寫加泰隆尼亞問題嘅文章，就知道依家喺邊。
練老嘅分析
不過，歷史傷痕太深，巴塞隆拿與馬德里之間，始終有芥蒂，遇上某些摩擦，從前受過的種種不公，很快湧現在少數民族集體意識的前台，變本加厲；這是很容易理解的。劫後的二十年裏，雙方大致相安無事，但很不幸，自2005年起，分離主義升溫。一個重要原因，是當地人認為西班牙中央政府的財策對他們不公。卡省因為經濟發達，長期以來擔起超額的國家財政責任，補貼較落後地區。這也罷了，但前幾年發生環球金融危機，卡塔隆尼亞陷得很深，向西班牙中央政府求援，後者竟乘機削減該省的財政自主權，卡省民眾覺得中央政府忘恩負義，獨立訴求一發不可收拾。明年，卡塔隆尼亞將再次舉行政體意向公投，中央政府凶多吉少。
然而，卡塔隆尼亞的最新發展是一個反例；筆者去年的看法已經太樂觀。專制時代結下的仇恨太深，分離傾向因偶然事件加劇，便是民主化了，也回天乏術。
小弟嘅分析
但禁講加泰隆尼亞語的傷痕，是相當深遠而且難以愈平，一如今天台獨的傷痕，某種程度上是蔣介石禁講閩南話惹出來一樣，
禁止方言政策之所以會廣泛造成傷痕，因為方言深入平民百姓生活中，而大家講方言時，只會因方言的親切和方便而使用，不讓民眾使用他們感到舒服的語言，結果就是硬迫所有人捲入政治漩渦之中。
兩篇文併為閱讀，大家明依家發生緊乜事。加泰隆尼亞禁講自己語言，點解搞到民主化後都阻唔到分離主義之勢，因為佛朗哥搞嘅問題，係深入到加泰隆尼亞人嘅生活裡面，差唔多人人有份，永不落空。愛爾蘭同大英帝國全面反面，都係因為愛爾蘭薯仔失收，英國本土仲要硬攞愛爾蘭薯仔，導致愛爾蘭大饑荒，至搞到愛爾蘭非走不可，你估宗教問題真係傷害咁大？往往係民生問題嘅傷害，造成全面無法收拾嘅裂痕。
依家中國喺香港搞殖民，搞到樓價天咁高，北區學位搶到亂晒籠，研究生被中國人霸晒，遊客隨地亂咁痾屎痾尿，呢啲全部係深入每個人生活嘅民生問題，當人人有份永不落空果陣，就係民主化就回天乏術。
呢個情況，亦解釋到作為大中華民族主義派系一員嘅民主黨，點解依家要同鍾庭耀傾佔領中環，因為無真普選嘅話，獨派就一定全面抬頭，屆時所有統派，話知你土共定左翼定泛民，全部都會被清袋永不落空，如果民主黨唔迫北京做嘢，最後係攬炒。正如練乙錚講，奶粉一役龍獅旗又勝一仗。奶粉管制兩條條例，小弟都係倡議者之一，而小弟嘅政治光譜，大家係清楚係乜。
無論如何，北京班蠢才係唔會聽練乙錚講，正如我喺2010年篇文，當時好多維吾爾人同藏人傳閱，但係有啲強國嘅五毛，又話我乜嘢港燦，我就知，理性嘅論述，中南海班友係唔會聽入耳，香港肯定全速向港獨進發。依家希望香港真係離開果陣，係1965年8月9日新加坡咁和平離去，唔好搞到1971年孟加拉獨立戰爭咁，屆時就真係兩敗俱傷。（果鋪孟加拉好多學者被巴基斯坦屠殺，印度出師有名介入，導致巴基斯坦輸到當底褲，93000巴基斯坦軍人向印度投降，係二次大戰以嚟最多人投降嘅一鑊）
from MO's notebook 3.75G http://blog.martinoei.com/2013/02/%e6%b8%af%e7%8d%a8%e6%98%af%e6%80%8e%e6%a8%a3%e7%85%89%e6%88%90%e7%9a%84/?utm_source=feedburner&utm_medium=feed&utm_campaign=Feed%3A+MosNotebook375g+%28MO%27s+notebook+3.75G%29
