（獨媒報導）一年前的今日，將軍澳工業邨壹傳媒大樓內，一眾《蘋果》記者正為最後一次出版報紙而埋首努力。一年後，萬籟俱寂，前記者們默默回到大樓前，懷緬往日時光。
從創報起入職26年的前攝記D先生指一指大樓前的馬路說，無法說清那份傷感，「我行呢條路嘅時間，多過你嘅歲數」。前編輯Z小姐則在剛過試用期時迎來《蘋果》停運，一年內仍未走出低潮，下個月將會轉行，「呢份熱血唔會再有地方發揮到，我會將佢好好收埋喺心入面」。
前攝記入職26年 一年後仍難戒職業病
烈日當空下，從《蘋果》創報開始便入職的D先生下午回到大樓，隔著圍欄拍了一個半小時的相片。26年的攝記生涯中，他到過伊拉克、美國、瑞典，近10年成為「坐堂」。宣佈停運的6月23日，他還在招待不同媒體在公司拍攝，「掛住做嘢，開頭以為自己冇乜嘢」。
情緒在數日後爆發，《蘋果》慣例是每天11點開會，D先生的鬧鐘便訂在10點。停運後數天，當鬧鐘在10點如常響起時，發現不用再回公司的D先生攤在床上，哭得不能自制。D先生指一指大樓前的馬路說，無法說清那份傷感，「我行呢條路嘅時間，多過你嘅歲數」。
D先生苦笑說，唯一高興的是，如今看新聞時不用再煩惱如何直播、如何放航拍，只須當作笑料。現時，D先生偶然也會接些拍攝工作，做慣即時新聞的他往往在活動結束後兩小時便交相，速度快得嚇到客戶。當記者拍過D先生的照片後，本來打算讓D先生檢查一下，不料被他搖頭拒絕，「唔洗畀我睇，相信自己，呢個係你嘅專業」。
前編輯：呢份熱血冇其他地方發揮到
新聞系畢業的Z小姐一畢業便加入《蘋果》編輯部，三個月的試用期剛過便迎來停運。6月23日那天，她本來在放假，傍晚得悉消息後急急坐上員工巴士，一上車發現「架巴士滿晒人，好似上戰場送死嘅感覺」，車程上更收到編輯的稿單email，附上一句「大家加油，頂撚住佢」，情緒更加難忍。
Z小姐後來轉到《眾新聞》工作，結果《眾》在半年後停運，她形容是再度沉進海中。仍未完全走出低潮的她，下個月將會轉行，「呢份熱血唔會再有地方發揮到，我會將佢好好收埋喺心入面」。
前記者稱抱「戰戰兢兢」心態：返嚟拜祭
下午兩點，在《蘋果》工作逾20年的前記者A先生獨自回到大樓門口。以往每日坐公司車上班的他，今日乘的士在700米外的消防局下車，再慢慢走過來。事隔一年，A先生仍心有餘悸，「唔敢搭（的士）去到門口，因為唔知咩事，怕會被人登記、被人攔截，我一路行返嚟都係抱住戰戰兢兢嘅心態」。
A先生特地選擇中午回來，正是因為希望少人，「我冇同同事講，我唔係想做畀其他人睇⋯⋯我今日係嚟拜祭」。他一邊用手機拍下蘋果大樓，一邊說「我初頭以為個招牌都會拆埋」。這一年，A先生離開了傳媒行業，被問到最不捨前公司哪一點，A先生沉默頃刻，再答「其實我唔係唔捨得份工、唔係唔捨得間公司，我係唔捨得《蘋果》背後嘅象徵意義」。
到了三時，前資深攝記阿威也揹著相機來到大樓門口，同時一架警車巡邏經過，警員落地，抄下了阿威的身份證。阿威說，早在2014年已預料會有《蘋果》停刊的一日，無奈反覆說道「無辦法啦」。這刻的他沒有打算轉行，間中以自由身拍攝新聞，形容自己尚未麻木，「你幾唔中意都好，新聞始終都要睇嘅」。
from https://www.inmediahk.net/node/%E5%AA%92%E9%AB%94/%E3%80%90%E8%98%8B%E6%9E%9C%E5%81%9C%E5%88%8A%E4%B8%80%E5%B9%B4%E3%80%91%E5%9B%9E%E5%88%B0%E8%98%8B%E6%9E%9C%E5%A4%A7%E6%A8%93%E7%9A%84%E5%89%8D%E8%A8%98%E8%80%85%E5%80%91%EF%BC%9A%E6%9C%83%E6%94%B6%E8%97%8F%E5%A5%BD%E9%80%99%E4%BB%BD%E7%86%B1%E8%A1%80
