中國留學生，最精英果班走得當然就走，他爸是李剛果班走完當然係返大陸去做高幹，之但係中國有十三億人口仲有八千幾萬共產黨員，而有好多「中幹」、「低幹」的下一代都一樣想搵著數。
去外國讀書唔係特別難，去西方國家留低搵食都唔係特別難，不過西方又重稅，人工又唔高，而且大陸人英文又唔係個個都好，仲有最難係融入外國的生活，睇佢地連香港生活都融入唔到，在外國讀書全部屈在唐人街煮飯，就知道能夠融入西方生活的中國留學生，絕對唔係多數；而人口多的中國留學生，跌個少數出來個數，都係好驚人的數字。
咁有咩地方又易移民，又低稅率，又有政府優惠呢？當然係香港啦，大陸人去英國讀書要留低十年先可以申請入籍，來香港？讀個一年的 MA 就已經立即申請工作簽證成為香港居民，成件事就同醫院賣床位送香港身份證一樣，大學就賣學位送香港身份證；由於唔係好多知識份子在醫院工作，卻有好多係大學教書，一講到大學賣學位的問題，佢地唔係集體潛水，仲反而出來維護呢個無恥的制度係「解決香港人口老化」同「引進頂尖人才」。
換人大計一早開始左啦，呢幾年撞口撞面遇到唔少大陸高中低幹的仔女，以讀書名義來香港先讀個 Degree，呢三、四年就用來換身份證同香港居民身份，再搵埋政府畀錢的獎學金去美、英的長春籐同牛劍讀個碩士博士，再返香港做個大律師、律師、iBanker 之類的專業人士，唔係住山頂或半山，就係入住咩「挈天半島」西九一大堆豪宅上蓋 (等高鐵通車) ；唔做專業人士的，寫下文、讀個語言系、翻譯，連藝術、文化界等所有撈得到都唔放過，點解？人望高處，水往低留，香港當然好過地獄鬼國國內啦，有張香港身份證有咩事都安全 D，賴昌星同谷開來都有香港身份證，明冇？
所以咩 20 個「尖子」（最憎呢兩隻大陸字眼）海外留學計劃，就係為左犒賞這些共青團新一代而度身訂造的；唔信？早幾年 CEPA 偷偷地「度身訂造」的大陸人「免試換領香港車牌」，短短五六年被大陸人換左 85000 個 （全香港都係得四十幾萬架私家車咋，要咁多車牌做乜），而搞到 BBC 上年 2 月報導，兩年之內有 13000 個香港車牌走去換英國車牌，破哂全英國紀錄，一個香港擊敗全世界，幾年前我地早已預言係專門為大陸人呃呃騙騙而設，唔信嘛？終於搞到今年一月英國修例，幾乎係專門針對香港的漏洞，改法例做「必須在當地考牌」才可以換英國車牌（即係香港考的香港車牌，而非大陸牌換的香港車牌，先可以免試換英國牌，度身訂造針對大陸留學生）
到時班共青團等「中低幹」仔女，來香港讀完書（例如國際學校），再由特區政府保送去海外進修，然後「回來」香港教兩三年國民教育再做埋永久居民，期間再順帶參加咩藝評獎、一堆咨詢組織、中央政策組等等、然後再拍拍屁股入特區政府做助理、副局，等多幾年就全面領導香港，落實「第二管治團隊」治港的美夢。
這些事情係根本發生緊，而且仲要發生左接近十年八載，係仲有好多包容膠以至泛民大中華膠仍然發緊「建設民主中國」的美夢，卻不知道人地已經成功爭取「建設黨人治港」啦，唉！
from 每日一膠．荒謬的香港 http://plastichk.blogspot.com/2013/03/blog-post.html
