你話喺幾十年前，科技、資訊、建築水平、基建設施、市民教育水平等都落後，打風係會死好多人。但今日，呢啲嘢都大大進步了。喺我細個嘅年代，係唔會想像到打風有咁多鋪頭開，但依家，八號仲有好多食肆和超級市場開(九號十號就真係唔開)，因為有地鐵返到工，有大型商場可以擋風。事實上，近廿幾年打風，香港雖有一定損毀，但人命傷亡已大幅減少，死亡數字應該接近零，即使市面有所破壞，也能很快復完。所以，今時今日，好多香港人當打風係娛樂，慢慢喪失咗對颱風嘅危機意識。
而近十幾年，即澳門主權交回中共後，大興土木，旅遊業旺盛，國際賭場一個接一個開業，去馬交行一轉，都會覺得處處建築雕樑畫棟，燈火通明，非常盛世的樣子，很多香港人更因而羡慕澳門，羡慕人家有錢派，羡慕那裏大興土木，羡慕那裏有廿三條好和諧.....
但天鴿嚟香港和澳門走了一轉後，人們不禁要問：如果用同一道理(第一段所述)，去睇澳門，理應得出相似的結果。香港和澳門都經常打風，甚至是同時打風，兩地資訊高度互通，澳門也已高度發展，甚至被視為好過香港，那麼，為什麼在十號風球之下，澳門的破壞和死傷遠遠超越香港？澳門至執筆時已死了五人(有傳言死了更多但政府未或不公布，待查證)，至少香港還幸運地沒有死人。
今時今日，如果承認香港和澳門的科技、資訊、建築技術水平、基建、市民的教育水平等相差不遠的話，究竟有什麼因素導致今日這樣相差極遠的結果呢？是政治？是管治？我想，澳門人都心裏有數。
如果香港再沒有人去守護，有一天守不住時，其發展自然會是今日的澳門。
（原刊於作者 facebook；標題為編輯所擬）
原文連結
from 港文集 http://hktext.blogspot.com/2017/08/2444.html