高鐵真係等冧樓先停工呀?
當然啦, 肥婆樺會叫停工真係天方夜譚, 點同上面交代呀!
市區段嘅樓宇安全風險當然未解決, 但在下絕對唔係危言聳聽
大陸不斷發生高鐵隧道工程引發出地陷事件, 深圳梅林又或生一單
有線電視 2011/10/31 02:34 廣 深 港 隧 道 工 程 疑 引 致 路 陷
.....梅 林 路 與 梅 村 路 交 匯 處 傳 出 巨 響 ， 一 部 巴 士 幾 乎 墮 下 。 現 場 地 底 正 在 挖 掘 廣 深 港 高 鐵 梅 林 段 隧 道 .....
施 工 單 位 表 示 事 前 發 現 有 險 情 已 經 停 工 ， 封 閉 了 部 份 路 段 進 行 加 固 工 程 ， 但 依 然 發 生 路 陷 。.............當 地 居 民 表 示 之 前 已 經 發 生 過 幾 次 同 類 事 故 ， 五 月 就 已 經 發 生 過 四 次 。
今次事發現場並非填海地都搞成咁, 試問香港市區全部係填海地, 仲要地質報告解說係「嚴重腐爛」, 邊有可能唔出事吖?!
就算不斷進行灌漿工程, 從深圳情況似乎已經證明根本無用。
正如開首所講, 想叫停工程, 肥婆樺真係睬你都有味。但沿線樓宇結構風險, 尤其是大角咀富榮花園將會係高危中之高危, 但政府依然袖手旁觀, 似乎將會貫徹「唔死人唔冧樓唔做嘢」嘅作風。
從表面睇, 政府必定依然要繼續工程, 富榮嘅業主似乎將會陸續意識到危機, 矛盾將陸續浮上水面
要解決就只能採納區選候選人楊繼昌嘅政綱建議
成立安全基金即係要政府「人頭擔保」, 引伸出嚟就係「政府敢保咪繼續, 唔敢就唔該收工」
至於另一候選人鍾港武, 就只係話「繼續關注和跟進工鐵工程」
老老實實, 呢啲得個講字嘅嘢, 阿豬阿狗阿茂阿壽都識講啦, 駛鬼你尊貴的油尖旺區議會主席做咩?!
一係就夠薑落實呢條早前出現的惡搞BANNER 咁, 就算今次落選, 辦事處都不遷不拆。
延伸閱讀
高鐵仲唔停, 真係等冧樓?
高鐵香港段仲唔停工?
立即停止高鐵香港段所有工程
仲未識死的香港人
「獨立媒體」高鐵安全隱患，何止訊號系統一環？ 再探高鐵香港段工程（一）市區隧道鑽挖 - 巫堃泰
from 巴士佬 - 揸巴士?: http://robustorlo.blogspot.com/2011/10/blog-post_3703.html