香港將進入暴力浪潮
從今早開始, Facebook 版面不斷遭到月初「衝擊」替補機制咨詢會的人士被捕、提堂的消息洗版。案件進入司法程序, 在下就尊重法治精神對案件不作評論。但觀乎檢控過程的發生時間、辦案速度去睇, 在下不單覺得事不尋常, 更是想到香港的法治制度已經進入崩潰邊緣。
木
此話何解? 就以「衝擊」事件當日, 作出肢體衝突的還有一班「維園阿伯」類的人, 當然更有五毛拎嚟大做文章的「V煞」。但是在法治制度之下, 今日拉得那7個人, 就應該拉埋嗰班阿伯, 甚至偱任何可能途徑拘捕班「V煞」。但是今日就只拘捕包括將出選區議會的梁國雄, 甚至畫面上無甚動作、看上去不過是弱質女流的學聯秘書長陳倩瑩, 整個過程不是抱有政治目的, 不管你信唔信, 在下就肯定打死都唔會信。
只是這宗拘捕事件, 又可以見得香港會進入暴力浪潮?
問題在於法治制度的原則就是公平處理社會上發生的問題、甚至罪案, 這次事件可以話只係一個引發點, 事實上冰封三呎非一日之寒, 十四年來積積埋埋、加上曾偉雄上任呢九個月的火上加油, 在下好難唔提出這個推論。事實上, 這個推論也很危險, 因為隨時會因為「烏鴉口」的話被禿鷹同雪糕仔控告在下「煽動」、「教唆」他人作出犯罪行為的證據。
大家可能在想「唔係咁猖狂呀?」都係嗰句, 禿鷹上場呢九個月以嚟, 有乜做唔出：
高登仔响討論區話想「炸迪迪尼」。拉!
綱民响討論區話要炸「西環統監府」。拉!
鄉議局班圍頭佬話要响政府總部「放炸彈」。唔拉!
朱凱迪俾保安「浮腰」, 仲要有片有真相。唔拉!
楊匡扯甩警員臂章。拉!
社運示威者衝擊鐵馬陣。拉!
新界原居民拉扯鐵馬。唔拉!
以上嘅例子充分反映出一個現實：邊個惡就邊話事。再直接啲講嘅就係.......
你惡得過差佬嘅就無事, 你惡唔過差佬的話就出事
或者一係好似「V煞幫」咁, 你唔知我乜水, 你吹得我漲!
其實呢招都係仿傚警務處處理「全城舉報曾偉雄」嘅手法：
係要扭曲個啲 CASE 做「投訴」交俾CAPO 查呀, 吹鳩得我漲呀, 唔鍾意咪CLOSE FILE 囉!
响呢個邏輯之下, 再加上就是看著無法因循法治得到公平處理問題, 不論係社會議題還是個人事務, 似乎就只有訴諸暴力佢尋求解決
呢個局勢轉變絕對唔係在下樂意見到, 亦都係在下過去一個多月以來, 狂插曾偉雄嘅原因, 就係希望佢嘅橫蠻、甚至背後指使佢要「公安化」嘅中共、港共要識得收手。但係事到如今, 似乎就只能袖手旁觀, 等更壞的事陸續發生。
或者, 真係要多謝曾偉雄、李少光、黃仁龍...............
延伸閱讀
曾偉雄夠薑就拉班原居民
曾偉雄, 你真係當市民流架?
李少光, 唔該俾個合理解釋 (一係廢除《中英聯合聲明》)
這是給曾偉雄的最後警告
搗亂? 衝突? 真係咁簡單?
on 巴士佬 - 揸巴士?: http://robustorlo.blogspot.com/2011/09/blog-post_21.html